ملتان۔27جون (اے پی پی) وزیر خارجہ مخدوم شاہ محمود قریشی آکھیا جو جنوبی پنجاب سانڳے 33 فیصد انڄ بجٹ رکھݨ مینہ دا پہلا قطرہ اے۔ انڄ بجٹ جنوبی دی عوام دی محرومیاں دے ازالے دا آغاز ہوسی۔ وسیب دی تقدیر بدلݨ سانڳے سارے اختیارات دا جنوبی پنجاب سیکرٹریٹ منتقل تھیوݨ ضروری اے۔اے ڳالھیں انہاں اتوار کوں جنوبی پنجاب سیکرٹریٹ دے دورہ اتے بعد اچ اجلاس دی صدارت کریندیں ہوئیں آکھی۔ وزیرخارجہ آکھیا جو جنوبی پنجاب دے ہر شہر اتے قصبے اچ ہکو سویں ترقی پی ٹی آئی دا ایجنڈا اے اتے حکومت جنوبی پنجاب کوں صوبہ بݨاوݨ دا وعدہ نبھیسی۔ انہاں آکھیا جو جنوبی پنجاب دے ترقیاتی بجٹ دا ہک پیسہ وی ضائع کائنا تھیوݨ ݙتا ویسی۔ ایں موقع تے ایڈیشنل چیف سیکرٹری جنوبی پنجاب کیپٹن( ر) ثاقب ظفر بریفنگ ݙتی۔
مضمون کا ماخذ : quina prêmio acumulado
