اسلام آباد۔19جون (اے پی پی):وزیر اعظم عمران خان واضح کیتے جو پاکستان افغانستان توں امریکی افواج دے انخلاء دے بعد سرحد پار انسداد دہشتگردی کارروائیاں کیتے امریکہ کوں آپݨی سر زمین استعمال کرݨ دی ہرگز اجازت نہ ݙیسی ۔ اے ڳال انہاں امریکی ٹیلی ویژن کوں ھک انٹرویو اچ آکھی اے جیڑھا جو اڄ اتوار دی شام 6وڄے نشر کیتا ویسی ۔وزیر اعظم عمران خان نال ’’ایگزیاس آن ایچ بی او ‘‘ اچ جو ناتھن سوان سوال کیتے جو کیا تساں امریکی حکومت کوں القائدہ ، آئی ایس آئی ایس یا طالبان دے خلاف سرحد پار انسداد دہشتگردی کارروائیاں کیتے پاکستان اچ سی آئی اے دی موجودگی دی اجازت ݙیسو ؟ جیں تے وزیر اعظم عمران خان آکھیے جو’’ اصلوں کائناں” اساں پاکستانی سر زمین توں افغانستان اچ کہیں وی قسم دی کاروائی یا ݙے بݨاوݨ دی اجازت ہرگز نہ ݙٰسوں ‘ انٹرویو کرݨ آلے حیران تھی تے آپݨا سوال دوہرایا تے پچھیا جو کیا اے ڳال تساں سنجیدگی نال آکھدے پیو ، جیں تے وزیر اعظم واضح کر ݙتا جو پاکستان قطعاً ایندی اجازت نہ ݙیسی ۔ کجھ ݙینھ پہلے وزیر خارجہ شاہ محمود قریشی سینیٹ اچ خطاب کریندے ہوئیں ایجھے کہیں وی امکان کوں مسترد کیتا ہئی جݙاں جو وفاقی وزیر اطلاعات و نشریات فواد چوہدری وی کابینہ اجلاس دے بعد بریفنگ ݙیندے ہوئیں پاکستان اچ امریکی ایئر بیس دے امکان کوں رد کر ݙتا ہئی ۔
پاکستان افغانستان توں امریکی افواج دے انخلاء دے بعد سرحد پار انسداد دہشتگردی کارروائیاں کیتے امریکہ کوں آپݨی سرزمین استعمال کرݨ دی ہرگز اجازت نہ ݙیسی ،وزیر اعظم عمران خان
مضمون کا ماخذ : میگا ملینز کا جیک پاٹ
متعلقہ مضامین
