راولپنڈی۔16اپریل (اے پی پی) وزیر داخلہ شیخ رشید احمد آکھیا جو قانون نافذ کرݨ آلے اداریاں امن و امان بارے ٻہوں چنگا کم کیتے، کالعدم تنظیم دے کارکناں دی مشتددانہ کاروائیاں دا تحمل نال مقابلہ کیتے ۔ پولیس اتے رینجرز دے افسراں اتے نینگراں ٻہوں ہمت اتے بہادری ݙکھائی اے۔ اے ڳالھیں انہاں جمعے کوں کمبائینڈ ملٹری ہسپتال اتے ڈسٹرکٹ ہیڈکواٹرزہسپتال راولپنڈی اچ کالعدم تحریک لبیک پاکستان دے کارکناں دے تشدد نال زخمی تھیوݨ آلے پولیس اہلکاراں اتے رینجرز دے نینرگاں دی عیادت دے موقع تے آکھی۔ وزیر داخلہ شیخ رشید احمد ، رینجرز دے نینگراں اتے پولیس اہلکاراں کوں شابش ݙتی اتے پیشہ وارانہ معاملیاں تے زبردست خراج تحسین پیش کیتا۔
مضمون کا ماخذ : سپر اسپنر
