اسلام آباد۔13اپریل (اے پی پی):وزیر خارجہ شاہ محمود قریشی آکھیے جو ٻاہرلے ملکاں اچ رہݨ آلے پاکستانیاں کوں ووٹ دا حق ݙیواوݨ کیتے سنجیدہ کوششاں کریندے پیوں ۔ اے ڳالھ انہاں منڳل کوں جرمنی اچ رہݨ آلی پاکستانی کمیونٹی دے نمائندہ وفد نال ڳالھ مہاڑ کریندے ہوئیں آکھی اے ۔وفد دے شرکاء وزیر خارجہ کوں جرمنی آمد تے خوش آمدید آکھے تے پھل پیش کیتن ۔وزیر خارجہ جرمن اچ رہݨ آلی پاکستانی کمیونٹی دی خدمات دا اعتراف کریندے ہوئیں انہاں کوں پاکستان اتے جرمنی وچال ݙو پاسے تعلقات دے استحکام کیتے اہم ذریعہ قرار ݙتے۔وزیر خارجہ آکھیے جو اساں ٻاہرلے ملک رہݨ آلے پاکستانیاں کوں قانونی طریقے نال رقم دی ترسیل اچ سوکھ کیتے “ڈیجیٹل روشن پاکستان” منصوبے دا آغاز کیتے ۔ٻاہرلے ملک رہݨ آلے پاکستانیاں کوں ووٹ دا حق ݙیواوݨ کیتے سنجیدہ کوششاں کریندے پیوں اسان الیکٹرانک ووٹنگ دی آپشن تے غور کریندے پیوں تاں جو ٻاہرلے ملک رہݨ آلے پاکستانی سہولت توں ووٹ دا حق استعمال کرسڳدن ۔
ٻاہرلے ملک رہݨ آلے پاکستانیاں کوں ووٹ دا حق ݙیواوݨ کیتے سنجیدہ کوششاں کریندے پیوں ، وزیر خارجہ شاہ محمود قریشی
مضمون کا ماخذ : شمال کے ڈریگن
متعلقہ مضامین
