اسلام آباد۔10مارچ (اے پی پی)سینیٹ دے 52 اراکین اڄ خمیس کوں اپݨی 6 سالہ آئینی مدت پوری کرݨ دے بعد سبکدوش تھی ویسن جݙاں جو اہاں اچ 12 اراکین ول سینیٹ دے رکن منتخب تھی چکن ۔ سینٹ سیکرٹریٹ موجب 11 مارچ کوں سبکدوش تھیوݨ آلے اراکین اچ راجہ محمد ظفر الحق، سراج الحق، رحمن ملک، آغا شاہ زیب درانی، عائشہ رضا فاروق، اورنگزیب خان، جان کینتھ ولیم، چوہدری تنویر، ڈاکٹر اسد اشرف، اشوک کمار، ڈاکٹر جہانزیب جمالدینی، غوث محمد خان نیازی، گیان چند، گل بشرا، حاجی محمد خان آفریدی، اسلام الدین شیخ، خوش بخت شجاعت، لیفٹیننٹ جنرل (ر) صلاح الدین ترمذی، لیفٹیننٹ جنرل (ر) عبدالقیوم، میاں محمد عتیق شیخ، میر کبیر، یوسف بادینی، محمد علی خان سیف، محمد جاوید عباسی، خالد بزنجو، محمد عثمان خان کاکڑ، نجمہ حمید، نعمان وزیر، نصرت شاہین، پرویز رشید، راحیلہ مگسی، سجاد حسین طوری، ثمینہ سعید، سردار یعقوب خان ناصر، سسی پلیجو، تاج آفریدی اتے سلیم ضیا ول منتخب نی تھئے جݙاں جو وفاقی وزیر اطلاعات و نشریات سینیٹر شبلی فراز، ڈپٹی چیئرمین سلیم مانڈوی والا، سابق ڈپٹی چیئرمین عبدالغفور حیدری، سابق وزیر اطلاعات شیری رحمن، سابق وزیر قانون فاروق ایچ نائیک، مولانا عطا الرحمن، لیاقت خان ترکئی، منظور احمد، محسن عزیز، پروفیسر ساجد میر، سرفراز بگٹی اتے ذیشان خانزادہ مزید 6 سال کیتے سینٹ دے ممبر منتخب تھی ڳئن جنہاں دا حلف 12 مارچ کوں ہوسی ۔
