اسلام آباد۔3 مارچ(اے پی پی) سینیٹ انتخابات اچ اسلام آباد توں جنرل نشست تے پاکستان پیپلز پارٹی دے امیدوار سید یوسف گیلانی جیت ڳین اتے حکومتی امیدوار ڈاکٹر عبدالحفیظ شیخ 5 ووٹاں توں ہر ڳین۔ ریٹرننگ افسر نتائج دا اعلان کریندے ݙسائے جو سینیٹ انتخابات اچ اسلام آباد توں جنرل نشست تے پاکستان پیپلز پارٹی دے امیدوار سید یوسف گیلانی 169 ووٹ ڳھن تے جیت ڳین ڄݙاں جو انہاں دے مد مقابل امیدوار ڈاکٹر عبدالحفیط شیخ 164 ووٹ ڳھن سڳن۔ اسلام آباد توں خواتین دی نشست پی ٹی آئی دی امیدوار فوزیہ ارشد دے ناویں رہی اے جئیں 174 ووت ڳھدن اتے انہاں دی مد مقابل اپوزیشن دی امیدوار فرزانہ کوں 161 ووٹ ملین۔ ریٹرننگ افسر آکھیے جو 341 دے ایوان اچ 340 ووٹ پاتے ڳین اتے اتے ہک رکن ووٹ پاوݨ نئیں آئے۔ ریٹرننگ افسر 5 ووٹ مسترد قرار ݙتن۔
مضمون کا ماخذ : کمپیوٹر لاٹری کا جیک پاٹ
