راولپنڈی۔1مارچ (اے پی پی) پاک فوج ولوں فوج یوم پاکستان 23 بھر پور طریقے نال مناوݨ دی تیاری شروع کر ݙتی اے، ہک قوم ہک منزل دا پہلا پرومو جاری کر ݙتا ڳئے۔ پاک فوج دے شعبہ تعلقات عامہ( آئی ایس پی آر ) ولوں سنوار کوں یوم پاکستان 23 مارچ سانڳے باقاعدہ پرومو جاری کر ݙتا ڳئے۔ جئیں دا محور پاکستان دا نقشہ،قومی پرچم اتے قومی یکجہتی اے۔ ڈائریکٹر جنرل آئی ایس پی آر میجر جنرل افتخار بابر گزریل ہفتے آپݨی پریس کانفرنس اچ اعلان کیتا ہئی جو پاکستان دی مسلح فوج یوم پاکستان” 23مارچ بھرپور قومی جوش تے جذبے نال پریڈ منعقد کریسی۔
مضمون کا ماخذ : دیگر کلیدی الفاظ
