اسلام آباد۔12فروری (اے پی پی):سینیٹ کی 11 مارچ کوں خالی تھیوݨ آلیاں سیٹاں تے انتخاب کیتے امیدواراں ولوں کاغذات نامزدگی جمع کراوݨ دا سلسلہ جمعے کوں شروع تھی ڳئے جیڑھا جو ہفتے کوں وی جاری رہسی ۔الیکشن کمیشن ولوں جاری کیتے ڳئے سینیٹ انتخاب دے شیڈول موجب کاغذات نامزدگی جمع کراوݨ آلے امیدواراں دی ابتدائی فہرست 14 فروری جݙاں جو انہاں دی جانچ پڑتال 15 اتے 16 فروری کوں تھیسی ۔ کاغذات نامزدگی منظور یا مستر کیتے ونڄݨ دے خلاف اپیلاں 17 فروری کوں ݙتیاں ویسن جݙاں جو 19 فروری کوں ٹربیونل ولوں اے اپیلاں نبیڑ ݙتیاں ویسن ۔ امیدواراں دی نظرثانی شدہ فہرست 21 فروری جݙاں جو کاغذات نامزدگی 22 فروری کوں واپس ڳھدے ویسن ۔ پولنگ 3 مارچ کوں تھیسی ۔ چارے صوبائی اسمبلیاں تے پارلیمنٹ ہائوس کوں پولنگ سٹیشن دا درجہ حاصل ہوسی۔
مضمون کا ماخذ : اسرار ریلز
