اسلام آباد۔16اکتوبر (اے پی پی) وزیر اعظم عمران خان آکھیے جو این آر او ڈیونڑ تے سمجھوتہ کرنڑ سوکھا رستہ اے لیکن اے تباہی اے ،حکومت نالج اکانومی دے ودھارے کیتے بھرپور تعاون کریسی ، اعلیٰ تعلیم اتے تحقیق تے توجہ ڈیندے پیوں ، مقامی سطح تے کارڈیک سٹنٹ دی تیاری نال دل دے مریضان دے علاج تے تھیونڑ آلا خرچہ گھٹ ویسی ، 70 دی دہائی اچ قومیانے پالیسی صنعتی عمل کوں متاثر کیتا ۔سمندر پار پاکستانی ملک دا اہم اثاثہ ہن ، ملکوں صحیح پاسے ٹور ڈتے ۔اے گال انہاں جمعے کوں نسٹ اچ این۔اویٹوہیلتھ ٹیکنالوجی دی افتتاحی تقریب توں خطاب کریندے ہوئیں آکھی اے ۔وزیراعظم آکھیا جو مقامی سطح تے کارڈیک سٹنٹ دی تیاری اہم پیشرفت اے جیں تے نسٹ انتظامیہ کوں مبارخ ڈینداں ۔امید اے جو بیاں یونیورسٹیاں وی ایں مثال دی تقلید کریسن۔ ایں اقدام نال دل دے مریضاں دے علاج دا خرچہ گھٹ ویسی ۔ انہاں آکھیے جو ترقی دے سفر اچ منزل تے رستے دا تعین بہوں ضروری اے ۔ماضی وچ بدقسمتی نال اساڈے اداریں وچال رابطے دا فقدان نظر آیا جیں پاروں پورے نظام اچ خرابی اے ،انہاں آکھیے جو قوماں طے کریندن جو اساں کتھاں ونجنڑاں اے ،بدقسمتی نال اساڈا وژن دھندلا گیا ہئی ۔ حکومت سنبھالی تاں برآمدات دے مقابلے اچ درآمدت ودھ ہن ، درآمدات دی مالیت 60 ارب برآمدات 20 ارب ڈالر ہن۔ تجارتی گھاٹا معیشت تے بہوں وڈا بوجھ ہئی ،ڈالر ملک توں باہر ویندے پئے ہن جیں پاروں ڈالر دے ذخائر گھٹ گئے تے روپے دی قدر ڈھہہ گئی ،روپے دی قدر گھٹ تھیونڑ پاروں مہانگ تھئی ۔ ڈالر دی گھٹکی پورا کرنڑ کیتے آئی ایم ایف ڈے ونجنڑاں پیا۔ ترکی برآمدات تے توجہ کرتے معیشت کوں ترقی ڈتی ۔ وزیر اعظم آکھیا جو مصنوعات دی ویلیو ایڈیشن توں معیشت کوں مستحکم کیتا ونج سگدے ۔آپنڑی ذہنیت دی تبدیلی اتے درست رستے کوں چنڑ گھدے ۔ ملک اچ صنعتی انقلاب گھن آونڑاں اے۔
این آر او ڈیونڑ تے سمجھوتہ کرنڑ سوکھا رستہ ،لیکن اے تباہی اے، اعلیٰ تعلیم اتے تحقیق تے توجہ ڈیندے پیوں ،وزیر اعظم عمران خان
مضمون کا ماخذ : Aztec خزانے
متعلقہ مضامین
