اسلام آباد۔15اکتوبر (اے پی پی)وزٹ ویزا تے متحدہ عرب امارات ونجنڑ آلے مسافراں کیتے پی آئی اے ہدایت نامہ جاری کرڈتے ۔ متحدہ عرب امارات پجنڑ آلے مسافر ڈے گھٹ توں گھٹ ڈو ہزار درہم ہوونڑ لازمی ہن ۔ قومی ائیر لائن پی آئی اے دے ترجمان عبداللہ خان ولوں خمیس کوں جاری اعلامیہ موجب پی آئی اے متحدہ عرب امارات دا سفر کرنڑ آلیں کیتے ہدایات جاری کرڈتیاں گئن جیں تے عمل درآمد لازم ہوسی ۔ہدایات دی روشنی اچ متحدہ عرب امارات پجنڑ آلے مسافر ڈے گھٹ توں گھٹ ڈو ہزار درہم ہوونڑ لازمی ہوسی ۔مسافر ڈے شو منی دے علاوہ واپسی دا کنفرم ٹکٹ اتے کنفرم ہوٹل بکنگ وی لازمی ہوسی۔ ہوٹل دے بجائے کہیں ڈے رہنڑ دی صورت اچ رہائشی پتہ دی تفصیل لازمی ہوسی ۔ ترجمان موجب پی آئی اے انتظامیہ بورڈنگ توں پہلے یا پاکستانی امیگریشن حکام مسافراں دی شرائط دا پورا ہوونڑ چیک کرسگدن ۔
مضمون کا ماخذ : میگا سینا پریمیو
