اسلام آباد۔9اگست (اے پی پی):وفاقی وزیر اطلاعات چوہدری فواد حسین آکھیے جو الیکٹرانک ووٹنگ مشین انتخاب??ت اچ شفافیت دا بہترین ذریعہ اے، انتخاب??ت اچ شفافیت دے حوالے نال میکنزم تیار کرݨا ہوسی ، ای وی ایم الیکشن کمیشن دیاں ساریاں شرائط پورا کریندی اے ، ٹیکنالوجی دے حوالے نال سارا کم مکمل اے ، حکومت اتے اپوزیشن وچال اتفاق رائے تھی ڳیا تاں آندے انتخاب??ت ای وی ایم تے کرائے وںڄ سڳدن ۔ ای وی ایم دے استعمال نال دھاندلی دے امکانات گھٹ ہوسن ، انتخابی نتائج فوری دستیاب ہوسن ، ایندے وچ الیکٹرانک ٹریل دے نال پیپر ٹریل وی دستیاب ہوسی۔ اے ڳال انہاں ڈیجیٹل میڈیا ونگ دے نال ھک انٹرویو اچ آکھی اے ۔ وفاقی وزیر اطلاعات آکھیے جو الیکٹرانک ووٹنگ مشین تے اساݙا زور ای?? سانگے ھے جو اے انٹرنیٹ دے نال منسلک کائنی ، اے مشین موجودہ پیپر بیسڈ نظام توں ھک قدم اڳوں تے ہے ، ایندے وچ الیکٹرانک ٹریل دے نال پیپر ٹریل وی دستیاب ہوسی۔ انہاں آکھیے جو عام طور تے انتخابات دے دوران ووٹنگ پنج وڄے مک ویندی اے تے اساکوں نتائج دے انتظار کیتے سویلے تئیں انتظار کرݨا پوندے جݙاں جو الیکٹرانک ووٹنگ مشینز دے استعمال توں انتخابی نتائج فوری دستیاب ہوسن تے دھاندلی دے امکانات وی گھٹ ہوسن ، ھک سوال تے انہاں آکھیے جو آزاد کشمیر دے انتخاب??ت اچ حکومت ن لیگ دی ہئی، آزاد کشمیر دے وزیراعظم ن لیگ دے ہن، الیکشن کمیشن دے سینئر ممبر وی آزاد کشمیر دے وزیراعظم دے ہم زلف ہن، چیف الیکشن کمشنر دی تقرری وی آزاد کشم??ر حکومت خود کیتی جݙاں جو پولیس اتے انتظامیہ وی انہاں دے تابع ہئی لیکن جݙاں ن لیگ کوں الیکشن اچ شکست تھئی تاں انہاں آکھیے جو دھاندلی تھئی اے ۔ وفاقی وزیر اطلاعات آکھیے جو آخر ایجھا کیڑھا طریقہ اختیار کیتا ونڄے جو انہاں دے الزامات دور کیتے ونڄ سڳن ، جے او الیکشن ہردن تاں آکھدن جو دھاندلی تھئی تے جت ویندن تاں آکھدن جو انتخابات ٹھیک تھئن ، ای?? حوالے نال ھک میکنزم تیار کرݨا ہوسی جیں توں انتخابات دی شفافیت تے سوال نہ چاتا ونڄ سڳے ۔ چوہدری فواد حسین آکھیے جو وزیراعظم اتے پی ٹی آئی دا موقف اے جو انتخاب??ت اچ شفافیت کیتے ٹیکنالوجی دے پاسے ٹریا ونڄے ، ٹیکنالوجی دے استعمال توں انتخاب??ت اچ فرسٹ ورلڈ دی طرز تے شفافیت آسی ۔ انتخاب??ت اچ ای وی ایم دے استعمال کیتے الیکشن کمیشن دی شرائط بارے ڳال کریندے ہوئیں وفاقی وزیر اطلاعات آکھیے جو الیکشن کمیشن 36 شرائط سامݨے رکھئن تے آکھیے جو جے کوئی مشین انہاں 36 شرائط کوں پورا کریندی اے تاں او الیکشن اچ استعمال کیتی ونڄ سڳدی اے ، انہاں آکھیے اساں جیڑھی نویں ٹیکنالوجی گھن آیوں، اوالیکشن کمیشن دی ساری شرائط کوں پورا کریندی اے ۔ اسٹیک ہولڈرز دے تحفظات دے حوالے نال وفاقی وزیر اطلاعات آکھیے جو اسٹیک ہولڈرز اچ الیکشن کمیشن اتے اپوزیشن جماعتاں شامل ہن ۔ اے مشیناں الیکشن کمیشن دیاں ساریاں شرائط کوں پورا کریندیاں پئن جتھاں اپوزیشن دا تعلق اے تاں انہاں حالی تئیں اے ٹیکنالوجی ݙٹھی وی کائنی۔ انہاں آکھیے جو اپوزیشن پہلے انہاں مشیناں کوں ݙیکھے ول آپݨا فیصلہ کرے ۔ ھک سوال دے ولدے اچ چوہدری فواد حسین ݙسایا جو ای?? ویلھے انتخابی اصلاح??ت اچ ترائے طرح دی ٹیکنالوجیز تے ڳال تھیندی پئی اے جنہاں اچ الیکٹرانک ووٹنگ مشین، انٹرنیٹ ووٹنگ اتے بائیو میٹرک شامل ہن، اے ترائی کٹھیاں کائنی ۔ ھک ٻئے سوال تے انہاں آکھیے جو ای?? ویلھے پنج کمپنیاں ای وی ایم تیار کریندیاں پئن جیڑھی جو الیکشن کمیشن دی شرائط تے پورا لہدن ۔ ہݨ قیمت طے کرݨ دا معاملہ اے، ٹیکنالوجی دے حوالے نال کوئی مسئلہ درپیش کائنی ۔ ھک ٻئے سوال تے انہاں آکھیے جو ای?? حوالے نال قانونی شرائط دے ݙو حصے ہن، ھک حصہ الیکشن کمیشن کوں اختیارات ݙیوݨ متعلق اے۔ قومی اسمبلی توں ای?? ضمن اچ ٻل منظور تھی چکئن جیڑھے ہݨ سینیٹ وچ ہن ۔ سینیٹ دیاں ݙو کمیٹیاں ای?? تے کم کریندیاں پئن، سینیٹ دی پولیٹیکل کمیٹی اپوزیشن تے حکومت دے اراکین تے مشتمل اے جیں اچ اے ٻل زیر بحث ہن۔ جݙاں جو سینٹ دی پارلیمانی افیئرز بارے کمیٹی دے اندر وی ای?? ٻل تے غور جاری اے ۔ جے سینیٹ اچ ای?? ٻل تے مزید ترامیم آیاں تان اے ول قومی اسمبلی اچ آسی تے قومی اسمبلی اچ ایندے تے ول ووٹنگ تھیسی ۔ انہاں آکھیے جو حکومت اتے اپوزیشن اچ اتفاق رائے تھی ڳیا تاں وختی عمل درآمد شروع تھی ویسی ۔ آندے انتخاب??ت ای وی ایم تے کراوݨ متعلق سوال تے انہاں آکھیے جو آندے انتخاب??ت ای وی ایم تے کراوݨ دے حوالے نال کوئی مسئلہ درپیش کائنی ، ٹیکنالوجی دے حوالے نال کم مکمل تھی چکئے ، اساں مشیناں مل گھن تے استعمال کرݨیاں ہن ۔ اپوزیشن اتے حکومت دے درمیان اتفاق رائے تھی ڳٰا تاں ایندے اڳلے ݙینھ ای وی ایم دی خریداری شروع ک??تی ونڄ سڳدی اے اتے آندے انتخاب??ت ای وی ایم تے کرائے ونڄ سڳدن ۔
الیکٹرانک ووٹنگ مشین انتخابات اچ شفافیت دا بہترین ذریعہ اے، حکومت اتے اپوزیشن وچال اتفاق رائے تھی ڳیا تاں آندے انتخابات ای وی ایم تے کرائے ونڄ سڳدن ، وفاقی وزیراطلاعات چوہدری فواد حسین دا ڈیجیٹل میڈیا ونگ کوں انٹرویو
مضمون کا ماخذ : گنہادورس دا میگا سینا
متعلقہ مضامین
