اسلام آباد ۔ 31جنوری(اے پی پی) وزیر اعظم عمران خان اج جمعے کوں نویں کفالت پروگرام دا اجرا کریسن جیں دے تحت پورے ملک دی 7ملین تریمتاں کوں ڈو ہزار روپے مہینہ نقد مالی معاونت ڈتی ویسی ۔ وزارت سماجی تحفظ وتخفیف غربت دے ذرائع دے مطابق احساس کفالت کارڈ تے قائد اعظم دی تصویر دا اجراءحکومت دا اہم دلےرانہ فیصلہ اے۔ ماضی اچ بی آئی ایس پی دے کارڈ تے سیاسی شخصیات دی تصویر لگی ہوئی ہئی۔ احساس کفالت کارڈ تے قائد اعظم دی تصویر دے اجراءنال حکومت فلاحی اداریں کوں غیر سیاسی بنڑاونڑ دا اہم قدم گھدے ۔ احساس کفالت پروگرام دے تحت سارے مستحقین کوں وزیر اعظم دے ”راشن وظائف“ اتے ”ون وومن و ن بنک اکاﺅنٹ “ وژن دے مطابق مخصوص اے ٹی ایمزاتے بینک دیاں شاخاں دے ذریعے ادائیگیاں دی سہولت ڈتی ویسی ۔ ہر مستحق تریمت کوں اپنڑے سیونگ اکاﺅنٹ دی سہولت حاصل ہوسی ،ایں پروگرام دے اجرا نال تریمتاں کوں مالی اتے ڈیجیٹل نظام اچ رلاونڑ دے موقع ملسن ۔”کفالت بی آئی ایس پی دے مالی معاونت دے پچھلے پروگرام توں بہوں مختلف اے ۔
وزیر اعظم عمران خان اج نویں کفالت پروگرام دا اجراءکریسن
مضمون کا ماخذ : میگا فارچیون
متعلقہ مضامین
