اسلام آباد ۔ 18 مارچ (اے پی پی) وزیرِ اعظم عمران خان آکھیے جو حکومت ضروری دوائیاں دی ملک اچ سوکھی دستیابی تے مناسب قیمت تے عوام کوں ڈیونڑ کیتے کوشاں اے ، ڈرگ ریگولیٹری اتھارٹی کوں پورے طور تے متحرک تے فعال بنڑاونڑ دیاں کوششاں کوں تکھا کیتا ونجے ، افرادی قوت کوں ترجیحی بنیاداں تے پورا کیتا ونجے اے گال انہاں بدھ کوں آپ دی زیر صدارت ملک اچ ضروری دوائیاں دی دستیابی تے انہاں دی مناسب قیمت دے تعین دے حوالے نال ڈرگ ریگولیٹری اتھارٹی آف پاکستان دیاں ذمے واریاں دی کاکردگی دے حوالے نال اجلاس اچ آکھی اے ۔اجلاس اچ معاون خصوصی صحت ڈاکٹر ظفر اللہ مرزا، اٹارنی جنرل خالد جاوید خان، سیکرٹری نیشنل ہیلتھ سروسز اینڈ ریگولیشنز، سی ای او ڈریپ عاصم روف تے بئے سینئر افسر شریک ہن ۔ وزیرِ اعظم کوں ملک اچ ضروری تے خصوصاً زندگی بچاونڑ آلیاں دوائیاں دی دستیابی تے انہاں دیاں قیمتاں دے تعین دے حوالے نال بریفنگ ڈتی ۔ ڈرگ ریگولیٹری اتھارٹی آف پاکستان (ڈریپ ) دی کارکردگی، ادارے کوںمتحرک وفعال بنڑاونڑ تے کرپشن تے بیاں بد عنوانیاں توں پاک کرنڑ دے حوالے نال کیتیاں ونجنڑ آلیاں کوششاں تے وی تفصیلی گال مہاڑ کیتی ۔
حکومت دی پہلی ترجیح عوام اے ، پی ایم ڈی سی بارے عدالتی فیصلے کوں سارمنڑے رکھ تے ضروری اقدامات ترجیحی بنیاداں تے پورے کیتے ونجن،وزیرِ اعظم عمران خان دا اجلاس توں خطاب
مضمون کا ماخذ : مایا کا عروج
متعلقہ مضامین
