اسلام آباد ۔ 5 اگست (اے پی پی) وفاقی وزیرریلوے شیخ رشید احمدآکھیے جو بھارت پاکستان کیتے بہوں اوکھ پیدا کریسی،اج ہندوستان دا ناں رام نگر ، ہندودت پئے چکیے،بی جے پی کہیں وی مسلمان کوں ٹکٹ نئیں ڈتا۔ہک نجی ٹی وی نال الیندے ہوئے انہاں آکھیا جو پاکستان اتے ہندوستان دا میڈیا ہر محاذتے اپنڑی حکومت دے نال اگو کھڑے، ہندوستان سوچی سمجھی سازش دے تحت مقبوضہ کشمیر دی آئینی حیثیت وٹائی اے،اینجھے اقدامات ہر دور اچ تھیندے آئن، ایل کے ایڈوانی ،منوہر جوشی ، راجیو ، واجپائی دادور وی ایویں رہے،مودی ہک سپر پاوردی کھیسے دی گھڑی اتے ہتھ دی سوٹی بنڑدے ہوئے آونڑ آلے ڈینھاں اچ پاکستان کیتے مشکلات پیدا کریسی،کیوں جو ہندوستان چین نال بھڑن دی پوزیشن اچ کائنی،بھارت کوں اندازہ نئیں جو بھارتی مسلمان اللہ تعالی دے بعد پاکستان کوں اپنڑا محافظ سمجھدن،مودی پہلے ڈینھ ہی توں مسلماناں نال نفرت ہی کھنڈائی اے جیندا سوکھے انت تھیونڑآلا کائنی۔شیخ رشید آکھیے جو جگ دی سیاست بدلنڑ آلی اے، ٹرمپ دا صدراتی الیکشن تھیونڑ آلا اے جیندی تیاریاں حالی تھیونڑن، جیکر جنگ تھئی تاں وڈی ہی تھیسی،ہندوستان دے اجوکی صورتحال اچ کمزور تھیونڑ دا فیدہ ساکوں تھیسی۔
بھارت پاکستان کیتے بہوں اوکھ پیدا کریسی،اج ہندوستان دا ناں رام نگر ، ہندودت پئے چکیے،بی جے پی کہیں وی مسلمان کوں ٹکٹ نئیں ڈتا،شیخ رشید احمد
مضمون کا ماخذ : لاٹری کی پیشن گوئی
متعلقہ مضامین
