اسلام آباد۔26اپرېل (اے پی پی) د وزيراعظم شهباز شريف حكومت د سروس ډېلېوري سټېټس په ځايې ساتلو سره په خپل اولني کال کښې نېشنل ګريډ كښې 3000 مېګاواټه څخه زياته برېښنا شامله کړه۔ وزيراعظم په 11 اپرېل 2022 د منصب سنبالولو څخه وروستو پاكستان د توان په څانګه كښې په خپلو پښو د اودرولو په لاره روانولو له خپله ذمه واري ترسره كولو سره په زړه پورې پېشرفت كړے دے۔ د ترلاسه شمېرو له مخې هغه د تېر يو كال په مهال د برېښنا د پنځه مهمو بجلي ګھرو پرانسته وكړه چې ورسره په ملي ګرډه كښې 3150 مېګاواټ برېښنا شامل كړې شوه۔۔ دا خبره دې ښكاره وي چې د ګرمۍ په موسم كښې په پاكستان كښې د توان ضرورت كښې زياته اضافه كېږي او د طلب او رسد ترمينځه فرق تر زرګونو مېګاواټ سوا كېږي۔ د توان وزارت د شمېرو له مخې تېر كال اګست كښې د برېښنا د رسد 20500 مېګاواټ په مقابله كښې طلب 28 زره مېګاواټه ته رسېدلې وو له دې كبله د ګرمۍ روان موسم په مهال د برېښنا د كمي ستونزو مخنيوي له د كوئلې په څير د توان ځايي وسائلو ته وده وركولو پلو پام زيات ګرځولے شوے دے۔ وزیراعظم په تېرو مياشتو كښې د سندھ دورو په مهال په تھرپاركر كښې په كوئله اډانه لرونكو د 1980 مېګاواټ درې پاور پروژو پرانسته وكړه۔ دا پروژوې د چين پاكستان اقتصادي راهدارۍ (سي پېك) منصوبې لاندې د چين په مرسته بشپړ كړې شوي دي۔ په دې منصوبو كښې د تھر انرجی 330 مېګاواټ پاور پلانټ، په مټھی كښې د 330 مېګاواټ تھل نووا پاور پلانټ او په تھر كښې د 1320 مېګاواټ شنګھائی الېکټرک پاور پلانټ شامل دے۔ په كوئلې د چلېدونكې پاور پلانټس څخه به هر كال نزدې 15 ارب يونټ ارزانه برېښنا پېدا كوي۔ حكومت د تھر د 175 بلین ټن کوئلې پنګو څخه استفاده كولو كښې خوښي لري او د توان پوهانو له مخې كه دا پنګې په صحيح ډول وكارولې شي نو دا تر راتلونكو 300 كلونو د هېواد د برېښنا ضرورتونو ترسره كولو له كافي كېدې شي۔ د روان كال په مهال وزيراعظم د کراچی نیوکلیئر پاور پلانټ درېم یونټ کے۔ تھری هم پرانسته وكړه كوم به چې 1,100 مېګاواټ برېښنا پېدا كوي۔ د پوهانو وېنا ده چې پاکستان د 60,000 مېګاواټ پن برېښنا صلاحيت لري۔ پن برېښنا پلو وړاندې تللو سره د تېر كال په دسمبر مياشت كښې وزيراعظم د منګلا پاور اسټېشن دوه تجديد شوي يونټو پرانسته وكړه۔ دا يونټس د یو اېس اېډ مالي مرستې سره اپ ګرېډ كړې شول چې ورسره په ټرانسمېشن سسټم كښې د 70 مېګاواټ برېښنا اضافه وشوه۔ د شته شمېرو له مخې د پاکستان د توان كلن درآمدي بل 27 بلین ډالر دے ٬ په اندېښمنه كرنټ اكاؤنټ خساره قابو موندلو له به په سمدستي توګه شمسی، هوا، هائیډل او د نیوکلیئر په شمول د توان متبادل ځايې ذريعو ته وده وركول وي۔ د پاكستان توان څانګه دا مهال د تېل او ګاز په درآمداتو زيات انحصار كوي ٬ د دې انحصار كمولو له د وزيراعظم حكومت د صفا توان ځائي ذريعو پلو وړاندې تللو له په زړه پورې اقدامات كړې دي۔ تر ټولو وړاندې سعودی فنډ (اېس اېف ډی) په اپرېل كښې د پاكستان مهمند ملټی پرپز ډېم پروجېکټ مرستې له د 240 ملین ډالر قرض لوظنامې لاس ليك كړې وې۔ د روانې مياشتې په مهال د قومی اقتصادی کونسل اېګزېکټو کمېټی (اېکنک) هم د 1.2 ټریلین روپو په لګښت د دیامر بھاشا هائیډرو پاور جنرېشن پراجېکټ منظوری وركړه۔ د شهباز شریف حکومت وړاندې نه د چینی کمپنیو مرسته او سرمايه كاري ترلاسه كولو سره پاکستان كښې د دې دوه لويو هائیډرو پراجېکټس په جوړولو كښې مصروف دے دغسې چې د ارزانې او تلپاتې برېښنا د لارې د برېښنا په كمي قابو موندلو كښې مرسته ترلاسه شي۔
د وزيراعظم په مشرۍ كښې د حكومت اولني کال په مهال 3150 مېګاواټ برېښنا په نېشنل ګريډ كښې شامله کړې شوه٬ د توان په څانګه كښې په خپلو پښو ودرېدو پلو پېشرفت
مضمون کا ماخذ : خوش قسمت لڑکی
متعلقہ مضامین
