اسلام آباد ۔ 6 فروری (اے پی پی) وفاقی وزیر اطلاعات و نشریات چوہدری فواد حسین آکھیا جو میڈیا انڈسٹری دے بحران دا تعلق معیشت نال نی جدانجو ٹیکنالوجی نال اے،میڈیا پلیٹ فارم تکھے بدلدا پے،ملک اچ الیکٹرانک تے پرنٹ میڈیا دے اکثر اداریاں ڈے کوئی بزنس ریسرچ اتے منصوبہ بندی کائنی جئیں دی بنیاد تے میڈیا دے بدلدے ہوئے ماحول نال نبڑنڑ دی منصوبہ بندی کیتی ونج سگے،روایتی میڈیا دی اشتہارات دی آمدنی گھٹ،غیر روایتی میڈیا دی ودھدی پی اے،حکومت اپنڑی تشہیری پالیسی تبدیل کر تے ایں وچ ڈیجیٹل میڈیا کوں وی رَلائے،ہنڑ اشتہاراں دی ہک تہائی آمدنڑ ڈیجیٹل میڈیا کوں ڈتی ویسی۔بدھ کوں اتھاں پاکستان دے پہلے انکیوبیٹر اینڈ ایسیلیٹر فار ٹیک بیسڈ ڈیجیٹل میڈیا سٹارٹ اپ ”میڈیا لیب“ لانچنگ تقریب توںبطور مزمان خصوصی خطاب کریندیں ہوئیں وفاقی وزیراطلاعات آکھیا جو فیس بک انتظامیہ کوں آکھیے جو اگر او پاکستان توں اشتہارات گھنڑ چاہندن تاں اتھاں اپنڑاں دفتر کھولن،ایں سال اچ ست ارب روپے دی ڈیجیٹل ایڈورٹائزنگ تھیسی جیئں اچ زیادہ پیسہ باہروں امسی۔انہاں آکھیا جو میڈیا دی حیثیت بدلدی پی اے ،وزارت اطلاعات اچ وی مختلف شعبے ہن جئیں اچ اطلاعات،نشریات،اتے تحقیق وغیرہ شامل ہن ۔ ڈیجیٹل سروس آف پاکستان دے قیام بارے کم کریندے پیوں۔انہاں آکھیا جو وزارت اطلاعات اچ ”اے پی پی“ کوں سالانہ 85 کروڑ روپے ڈتے ویندن جیڑھے ضائع تھی ویندن،ایں سانگے اساں سوچے جو اے پی پی کوں ڈیجیٹلائز کیتاونجے جڈانجو اے پی پی دے ڈو تہائی ملازمین ایجھے ہن جیڑھے اپنڑی ای میل نی چیک کر سگدے۔انہاں آکھیا جو میڈیا کوں اپنڑے خرچےاں اچ خودمختار ہوونڑاں چاہیدے اتے حکومت تے انحصار دی بجائے مارکیٹ تے انحصار کرے۔
ہنڑ اشتہاراں دی ہک تہائی آمدنڑ ڈیجیٹل میڈیا کوں ڈتی ویسی،وفاقی وزیر اطلاعات تے نشریات چوہدری فواد حسین دا ”میڈیا لیب“ لانچنگ تقریب توں خطاب
مضمون کا ماخذ : کمپیوٹر لاٹری کا جیک پاٹ
متعلقہ مضامین
