اسلام آباد ۔ 27 فروری (اے پی پی) پاکستان دی مسلح افواج دے ترجمان میجر جنرل بابر افتخار خبردار کیتا جو بھارتی اقدامات نال خطے دے امن کوں خطرہ اے،اگر خطے اچ جنگ چھڑ گی تاں بے قابو ہوسی،ڈو نیوکلیئر طاقتاں دی جنگ اچ بہوں ضیان تھیے،اساڈی کوشش اے جو امن دے رستے تے ٹریا ونجے،اساں ہرویلھے تیار ہیسے،ملک تے کوئی آنچ کائنا آونڑ ڈیسوں۔،27فروری کوں دشمن جیڑھا ڈیونڑاں چاہندا ہئی او خودسرپرائز بنڑ گیا،بھارتی بیانات کوں سنجیدگی نال کائنی گھندے،بھارت دی دفاعی تیاریاں تے نظر اے،پاکستان دا دفاع مضبوط اے،بھارت کوئی جارحیت کیتی تاں پورا جواب ڈیسوں،کشمیر دا تنازع ہنڑ پاکستان تے بھارت دا نی ہک عالمی مسئلہ بنڑ گئے ،کشمیر دا مسئلہ ہنڑ بین الاقوامی توجہ دا مرکز بنڑ گئے ،اقوام متحدہ ہک واری ولا عزم کیتے جو کشمیر دا مسئلہ سلامتی کونسل دی قرارداداں دے مطابق حل تھیونڑاں چاہیدے،آپریشن ردالفساد دے ترائے سال پورے تھی گئن،دہشت گرداں توں 46ہزار کلومیٹر علاقہ کلیئر کروائے،اساں ایں کامیابی دی وڈی قیمت ڈتی اے،20سال توں قوم اتے پاکستان دی فوج دہشت گردی دے خلاف جنگ لڑی اے۔او خمیس کوں آئی ایس پی آر ڈائریکٹوریٹ اچ ملکی تے غیر ملکی میڈیا کوں 27فروری ، آپریشن ردالفساد اتے مقبوضہ کشمیر دی صورتحال بارے بریفنگ ڈیندے پن ہن۔ڈی جی آئی ایس پی آر میجرآکھیا جو 14فروری2019ءکوں بھارت پلوامہ واقعے دے بعد بغیر کہیں ثبوت دے الزامات لاتے جڈانجو پاکستان ہک ذمہ وار ریاست دے طور ہر قسم دی تحقیق دی پیش کش کیتی،اوندے باوجود بھارتی ریاست25اتے26فروری دی رات ہک بزدلانہ کوشش کیتی،اساں بھارت دے ونگ کمانڈر ابھی نندن کوں پکڑیا اتے اوندی بوکھلاہٹ اچ دشمن اپنڑاں ہیلی کاپٹر ڈہا ڈتا۔انہاں آکھیا جو مسلح فوج 27فروری کوں نہ صرد وطن دی سرحداں دا دفاع کیتا جڈانجو دشمن دے عزائم کوں وی مٹی اچ ملا ڈتا،اج دا ڈینھ 1947ءتوں گھن کراہیں اج تئیں وطن دی سرحداں دے دفاع اچ جاناں ڈیونڑ آلے شہیداں اتے وطن دے دفاع دی حفاظت کرنڑ آلے قوم دے غازیاں دے ناں اے۔
بھارتی اقدامات نال خطے دے امن کوں خطرہ اے،اگر خطے اچ جنگ چھڑ گی تاں بے قابو ہوسی، ،پاکستان دی مسلح افواج دے ترجمان میجر جنرل بابر افتخاردی بریفنگ
مضمون کا ماخذ : لکی لیڈیز چارم
متعلقہ مضامین
