اسلام آباد ۔ 30 مئی (اے پی پی) صدر مملکت ڈاکٹرعارف علوی آکھیے جو سماجی تبدیلی دے نقیب ہونڑ اتے عوام اچ آسان اتے ودھ ساری رسائی رکھنڑ پاروں سوشل میڈیا دی اہمیت مسلمہ ہے ۔ انہاں ایہ گالھ خمیس کوں اتھاں وزارت اطلاعات تے نشریات دے سوشل میڈیا بارے ہک اجلاس دی صدارت کریندے ہوئیں آکھی۔وزیراعظم دی معاون خصوصی اطلاعات تے نشریات ڈاکٹرفردوس عاشق اعوان وی ایں موقع تے موجودہن۔ صدر عارف علوی قوم دی تعمیر اچ سوشل میڈیا دی اہمیت کو تے زور ڈیندے ہوئیں آکھیا جوسائبر سپیس اچ ریاست مخالف پراپیگنڈے کوں ورکنڑ سانگے ملک دے حقیقی تشخص کو ں اجاگرکرنڑ سانگے وزارت اطلاعات کوں اپنڑاں مینڈیٹ ودھاونڑ پوسی۔ وزیراعظم دی معاون خصوصی اطلاعات تے نشریات ڈاکٹر فردوس عاشق اعوان آکھیا جو حکومت سوشل میڈیا دی اہمیت بارے چنگی طرح جانڑدے ۔ انہاں آکھیا جواشتہاراں سانگے نویں پالیسی اچ پرنٹ اتے الیکٹرانک میڈیا آلی کار سوشل میڈیاسانگے اشتہاراں دی تجویز زیرغورہے۔ایں توں پہلے سیکرٹری اطلاعات شفقت جلیل صدر مملکت کو ںوزارت اطلاعات تے نشریات اچ بنڑائے گئے سوشل میڈیا دے سیٹ اپ اتے ایندے طریقہ کار بارے بریفنگ ڈتی۔ انہاں صدر مملکت کو ں ریاست مخالف پراپیگنڈہ دا وختی اتے چنگا مقابلہ کرنڑ اتے ملک دے چنگا تشخص کوں اجاگرکرنڑ سانگے وزارت اطلاعات دی سوشل میڈیا ٹیم ولوں کیتے گئے اقدامات بارے ڈسایا۔
سماجی تبدیلی دے نقیب ہونڑ اتے عوام اچ آسان اتے ودھ ساری رسائی رکھنڑ پاروں سوشل میڈیا دی اہمیت مسلمہ ہے ، ڈاکٹرعارف علوی
مضمون کا ماخذ : اولمپس کا عروج
متعلقہ مضامین
