اسلام آباد ۔ 21 اگست (اے پی پی) وزیر خارجہ شاہ محمود قریشی بدھ کو ںڈنمارک دے وزیر خارجہ جیپی سباسچین کوفوڈ نال ٹیلیفون تے رابطہ کیتا۔ ڈوہائیں وزراءخارجہ مقبوضہ جموں وکشمیر دی مخدوش صورتحال تے گالھ مہاڑ کیتی، ایں سلسلے اچ سانجھے مشورے اتے رابطے ودھاونڑ دا سلسلہ جاری رکھنڑ تے اتفاق کیتا گیا۔ دفتر خارجہ دے ترجمان مطابق وزیر خارجہ شاہ محمود قریشی اپنڑے ڈینش ہم منصب کو ںمقبوضہ جموں و کشمیر دی خصوصی حیثیت ختم کرنڑ اتے آبادیاتی تناسب بدلنڑ دے حوالے نال ہندوستان دے یکطرفہ اقدامات بارے ڈسایا۔شاہ محمود قریشی آکھیا جوہندوستان 5 اگست توں مقبوضہ کشمیر کوں مسلسل کرفیو دے ذریعے محاصرے اچ رکھیا ہوئے۔انہاں آکھیا جو مقبوضہ خطے اچ انسانی حقوق دی سنگین خلاف ورزیاں اچ ہر آندے ڈینھ ودھارا تھیندا پئے۔انہاں آکھیا جو ہندوستان دے یکطرفہ اقدامات ،بین الاقوامی قوانین اتے اقوام متحدہ سکیورٹی کونسل دی قراردادوں دے منافی ہن۔ ڈینش وزیر خارجہ آکھیا جو اساں ایں گالھ نال اتفاق کریندوں جو ڈو ایٹمی طاقتاں وچال جھیڑا خطرناک ثابت تھی سگدے۔ ڈینش وزیر خارجہ آکھیا جو اوہ ایں ساری صورتحال تے گھاٹی نظر رکھے ہوئے ہن اتے انہاں مذاکرات دے ذریعے پرامن طریقے نال ایں مسئلے کوں حل کرنڑ دی اہمیت تے زور ڈتا۔
وزیر خارجہ شاہ محمود قریشی دی ڈنمارک دے وزیر خارجہ جیپی سباسچین کوفوڈ نال ٹیلیفون تے گالھ مہاڑ
مضمون کا ماخذ : خداؤں کی عمر
متعلقہ مضامین
