لندن ۔ 18 جون (اے پی پی) وزیر خارجہ شاہ محمود قریشی لندن اچ پریس کانفرنس کریندے ہوئیں آکھیا جو معاشی مسئلیاں دے حل سانگے چنگے اقدامات کریندے پیوں۔ انہاں آکھیا جولندن اچ مختلف شخصیات نال چنگیاں ملاقاں تھئیاں، پاکستان توں متعلق لندن اچ رہنڑ آلے پاکستانیاں دا جذبہ ڈیکھ تے خوشی تھئی۔ انہاں آکھیا جونویں حکومت کوں معاشی چیلنجز داسامنڑاں ہا، تاں جوحکومت معاشی مسئلیاں دے حل سانگے چنگے اقدامات کیتے ہن۔ ہک سوال دے جواب اچ انہاں آکھیا جونیب ہک خود مختار ادارہ اے، حکومت نیب کوں اپنڑے تابع نئی کر سگدی، نیب قنون تے آئین مطابق اپنڑیاں کارروائیاں کریسی، آصف زرداری اتے نواز شریف تے بنڑائے گئے کیسز اساڈے دور دے کائنی، ڈوہائیں دے خلاف ریفرنسز دا فیصلہ عدالت کریسی۔انہاں آکھیا جو عدلیہ اتے نیب آزاد ہن۔
مضمون کا ماخذ : ٹربو چارج
