اسلام آباد ۔ 10 جون (اے پی پی) قومی اسمبلی دی ہاﺅس بزنس کمیٹی بجٹ سیشن دے شیڈول اتے ایجنڈے دی منظوری ڈے ڈتی ،جیندے مطابق اجلاس 29 جون تئیں جاری راہسی۔ وفاقی بجٹ 2019-20ء(اج) منگل کوں قومی اسمبلی اچ پیش کیتا ویسی۔ سنوار کوں ہاﺅس بزنس ایڈوائزری کمیٹی دا اجلاس سپیکر اسد قیصر دی صدارت اچ تھیا۔ اجلاس اچ وفاقی وزیر داخلہ بریگیڈیئر (ر) اعجاز شاہ‘ چوہدری فواد حسین‘ پرویز خٹک‘ شفقت محمود‘ اعظم خان سواتی‘ ڈاکٹر شیریں مزاری‘ غلام سرور خان‘ ڈپٹی سپیکر قاسم خان سوری‘ ارکان قومی اسمبلی ملک عامر ڈوگر‘ اقبال محمد علی خان‘ خالد خان مگسی‘ ریاض فتیانہ‘ آغا حسن بلوچ اتے شازیہ مری شرکت کیتی۔ اجلاس اچ شرکاءدے مشورے نال ایہ گالھ طے پاتی جو اجلاس 29 جون تئیں جاری رکھیا ویسی۔ بجٹ سیشن دوران اجلاس ہفتے کوں وی جاری رکھیا ویسی۔ 25 جون کوں معاون خصوصی خزانہ وفاقی بجٹ تے تھیونڑ آلی بحث مکیسن۔ 26 اتے 27 جون کو ں2019-20ءدے مطالبات زر اتے کٹوتی دی تحریکاں تے بحث کیتی ویسی۔ 28 جون کوں فنانس بل تے غور اتے ایندی منظوری ڈتی ویسی۔ 29 جون کوں موجودہ مالی سال 2018-19ءدے ضمنی مطالبات زر تے بحث تھیسی اتے انہاں دی منظوری ڈتی ویسی۔ بجٹ اجلاس دوران وقفہ سوالات اتے توجہ دلاﺅ نوٹسز کائناں گھدے ویسن۔
قومی اسمبلی دی ہاﺅس بزنس کمیٹی بجٹ سیشن دے شیڈول اتے ایجنڈے دی منظوری ڈے ڈتی
مضمون کا ماخذ : میگا ملینز لائیو ڈرا
متعلقہ مضامین
