فریم ورک بنڑاونڑ اچ سارے مکاتب فکر کوں اعتماد اچ گھدا گئے ،کوئی وی ملک اوں ویلھے تئیں ترقی نی کر سگدا جڈاں تئیں او تعلیم اچ سرمایہ کاری نہ کرے،وفاقی وزیرتعلیم شفقت محمود دا تقریب توں خطاب
اسلام آباد ۔ 27 نومبر (اے پی پی) تحریک انصاف دی حکومت ’ 100 روزہ پلان دے تحت قومی تعلیمی پالیسی فریم ورک 2018ءدا اعلان کر ڈتے ۔وفاقی دارالحکومت دی حدود اچ ”آﺅٹ آف سکول چلڈرن“ مہم وی شروع کر ڈتی گئی اے۔منگل کوں وفاقی وزیر تعلیم و پیشہ ورانہ تربیت شفقت محمود ’ نیشنل لائبریری اچ تھیونڑ آلی تقریب اچ قومی تعلیمی پالیسی فریم ورک اتے آﺅٹ آف اسکول چلڈرن مہم دا آغاز کیتا۔ایں موقع تے پارلیمانی سیکریٹری تعلیم وجیہہ اکرم، وفاقی دارالحکومت توں منتخب اراکین اسمبلی علی اعوان اتے راجہ خرم نواز، سیکریٹری وزارت تعلیم ارشد مرزا، وفاقی وزیر تعلیم دے ایڈوائزر رفیق طاہر، وفاقی تعلیمی بورڈدے چیئرمین ڈاکٹر اکرام علی ملک اتے تعلیم نال جڑیے مختلف اداریاں دے سربراہان اتے بئے بندیاں دے نال نال طلبہ دی ہک وڈی تعداد موجود ہئی ۔ وفاقی وزیرتعلیم شفقت محمود ایں موقع تے خطاب کریندیں ہوئیں آکھیا جو کوئی وی ملک اوں ویلھے تئیں ترقی نی کرسگدا جڈاں تئیں او تعلیم اچ سرمایہ کاری نہ کرے۔
تحریک انصاف دی حکومت ’ 100 روزہ پلان دے تحت قومی تعلیمی پالیسی فریم ورک 2018ءدا اعلان کر ڈتے
مضمون کا ماخذ : اولمپس کے خدا
متعلقہ مضامین
