اسلام آباد۔19ستمبر(اے پی پی) وزیراعظم محمد شہباز شریف آکھیے روس نال تکڑے تعلقات پاکستان دی خارجہ پالیسی دی اہم ترجیحات اچوں ہے ، پاکستان روس نال تجارتی، اقتصادی، توانائی، مواصلات اتے سیکورٹی تعاون ودھاوݨ دا خواہش مند اے۔ وزیراعظم آفس دے پریس ونگ توں جاری بیان موجب وزیراعظم محمد شہباز شریف نال روسی فیڈریشن دے نائب وزیراعظم الیکسی اوورچوک ملاقات کیتی۔ وزیراعظم شہباز شریف نائب وزیراعظم اوورچک اتے انھاں دے وفد دا وزیراعظم ہائوس اچ خیرمقدم کیتا۔ روسی نائب وزیراعظم نال ??ال?? کریندے وزیراعظم آکھیے روس نال تکڑے تعلقات پاکستان دی خارجہ پالیسی دی اہم ترجیحات اچوں ہے۔ وزیراعظم آکھیے پاکستان روس نال تجارتی، اقتصادی، توانائی، مواصلات اتے سیکورٹی تعاون ودھاوݨ دا خواہشمند اے۔انھاں مزید آکھیے جو آندے مہینے اسلام آباد اچ روسی وزیر اعظم مشسٹن دے استقبال دے منتظر ہن۔ وزیر اعظم آکھیے اڄوکے سال جولائی دے شروع اچ انھاں دی صدرولادیمیر پیوٹن نال نتیجہ خیز ??ال?? مہاڑ تھئی ہئی ، انھاں ݙو پاسے تعاون مزید ودھاوݨ سانڳے ??ال?? مہاڑ سانڳے اعلیٰ سطحی وفد بھیڄݨ تے صدر پیوٹن دا شکریہ ادا کیتے ۔ روسی نائب وزیراعظم اوورچک پرتپاک استقبال تے وزیراعظم دا شکریہ ادا کیتا تے روس دے پاکستان نال تعلقات مزید مستحکم کرݨ دا عزم کیتے ، انھاں پاکستان تےروس دے تعلقات تعمیری اتے سانجھے طور تے فیدہ مند قرار ݙتا ۔ ݙوہیں فریقین باقاعدہ رابطے برقرار رکھݨ تے سانجھا اتفا?? کیتے ۔ وزیراعظم تے روسی نائب وزیراعظم روس اتے پاکستان وچال مفاہمت دی یادداشت تے دستخط دی تقریب اچ شرکت کیتی ایں مفاہمتی یادداشت دے تحت مشترکہ مفاد دے سارے شعبیں خاص کر تجارت، سرمایہ کاری، توانائی، آئی ٹی، زراعت، سائنس و ٹیکنالوجی اتے تعلیم اچ تعاون ودھسی
