اسلام آباد۔20ستمبر(اے پی پی) قومی اسمبلی دے سپیکر سردار ایاز صادق آکھیے دیر تئیں امن سانڳے عالمی اتحاد، رواداری تے ڳالھ مہاڑ ضروری اے ، امن انسانیت دی ترقی اتے بہبود سانڳے ضروری اے جھیڑیں کوں پرامن طریقے نال حل کرݨ ویلھے دا تقاضا اے۔ امن دے جگ ݙیھاڑ تے آپݨے سنھیے اچ سپیکر سردار ایاز صادق آکھیے امن دے قیام سانڳے سفارت کاری دا کلیدی کردار اے ۔ قوماں تے رہنماواں کوں جھیڑیں تے ڳالھ مہاڑ کوں ترجیح ݙیوݨی چاہیدی اے ، تشدد د?? ذریعے امن نی ڳھدا ونڄ سڳدا ??ین??وں سانجھے احترام، تعاون اتے انصاف دے عزم د?? ذریعے ہی برقرار رکھیا ونڄ سڳدے ، انھاں عالمی برادری تے وی زور ݙتے جو او انسانی ??قوق کوں برقرار رکھے تے مساوات کوں ودھارا ݙیوے ، کیوں جو اے اصول ھک پرامن دنیا دی تعمیر سانڳے کلیدی حیثیت رکھیندے امن جنگ توں اہم اے، اے جڑت ، انصاف اتے تنوع دے احترام دی موجودگی پاروں ہی ممکن اے ،صرف انھاں اقدار کوں اپناوݨ نال اساں ھک ایجھی دنیا بݨاوݨ دی امید کرسڳدوں جتھاں آندیاں نسلاں امن تے سلامتی نال ترقی کرسڳن ۔سپیکر فلسطین اتے کشمیر دے مظلوم عوام دے حقوق دی وکالت سانڳے پاکستان دے ثابت قدم عزم تے زور ݙیندے آکھیے پاکستان مسلسل فلسطینی ??لاقیں تے ناجائز قبضے ختم کراوݨ دا مطالبہ کریندا پئے تے کئی ݙھاکیں توں انسانی ??قوق دیاں خلاف ورزیاں دا سامݨا کرݨ آلے کشمیریاں دی وکالت کریندا پئے ، انھاں دی وکھری تے جغرافیائی شناخت کھس ڳھدی ڳئی اے ۔سپیکر فلسطینی ??تے کشمیری عوام نال ناانصافیاں اتے جدوجہد آلے پاسے عالمی توجہ دی لوڑھ تے زور ݙیندے آکھیے انھاں دی حق خود ارادیت دی جدوجہد بنیادی انسانی ??قوق دا معاملہ اے اتے اے عالمی برادری تے فرض اے جو انھاں دیاں امنگاں دی حمایت کرے۔ سپیکر ساریاں قوماں تے زور ݙتے جو او امن تے انصاف گھنݨ اچ ھک مٹھ تھیون۔ سپیکر آکھیے ایں امن دے جگ ݙیھاڑ تے آؤ اساں جھیڑے مکاوݨ ، انسانی ??قوق برقرار رکھݨ تے آزادی سانڳے جدوجہد کرݨ آلیں دی حمایت کرݨ دے آپݨے عزم دی تجدید کروں ۔ سپیکر ساریاں قوماں تے زور ݙتے او بین الاقوامی امن معاہدیں تے آپݨے وعدیں دا احترام کرن تے عالمی استحکام کوں خطرے اچ پاوݨ آلے جھیڑیں دے حل سانڳے اجتماعی کم کرن ۔ انھاں عالمی برادری کوں آکھیے او ہر سطح تے امن سانڳے سرگرمیاں اچ حصہ گھنن اے منیندیں جو امن دی ذمہ واری ہر بندے تے لگدی اے قومی اسمبلی دے سپیکر ھک پرامن اتے خوشحال مستقبل دی امید دا اظہار کیتے جتھاں رواداری اتے اتحاد دے اصول انسانیت کوں ھک چنڳی کل دے پاسے رہنمائی کریندن۔
