اسلام آباد ۔ 24 جولائی (اے پی پی) وزیراعظم عمران خان آکھیے جو بلوچستان اچ امن ،سماجی واقتصادی ترقی ترجیح اے،گوادر اتے سی پیک منصوبیاں اچ بلوچستان تے ودھ توجہ ڈتی ویندی پئی اے۔اے گالھ انہاں اپنڑی صدارت اچ نیشنل ڈویلپمنٹ کونسل دے ڈوجھے اجلاس دی اگوانڑی کریندے آکھی۔ انہاں آکھیا جو گوادردی تعمیر و ترقی دا منصوبہ نہ صرف بلوچستان بھل پورے علاقہ دی قسمت بدلنڑ دا منصوبہ اے،بلوچستان اچ انفراسٹرکچر دے قیام تے خصوصی توجہ ڈتی ونجے۔اجلاس اچ وفاقی وزراءشاہ محمود قریشی، اسد عمر، محمد حماد اظہر، علی حیدر زیدی، عمر ایوب خان، مشیران خزانہ ڈاکٹر عبدالحفیظ شیخ، عبدالرزاق داود، وزیرِاعلیٰ بلوچستان جام کمال خان، چیف آف آرمی سٹاف جنرل قمر جاوید باجوہ، معاون خصوصی لیفٹیننٹ جنرل (ر) عاصم سلیم باجوہ، ڈی جی آئی ایس آئی لیفٹیننٹ جنرل فیض حمید اتے بئے اعلیٰ حکام شریک تھین۔اجلاس اچ قومی ترقیاتی ایجنڈا خصوصاً بلوچستان دے پس ماندہ اتے دور پار دے علاقیاں اچ آمدو رفت، آبی وسائل دے بہتر استعمال، زراعت، توانائی، بارڈر مارکیٹاں دے قیام اتے گوادر پورٹ دے مختلف منصوبیاں تے غور کیتا گئے۔وزیراعظم آکھیا جوحکومت بلوچستان دی محرومیاں دور کریسی،مالی وسائل بلوچستان دے لوکاں تے خرچ کیتے ویسن بلوچستان اچ روڈ نیٹ ورک، عوام، خاص کر نوجواناں کوں روزگارڈتا ویسی۔انہاں وزیر منصوبہ بندی، مشیر خزانہ اتے وزیرِ اعلیٰ بلوچستان تے مشتمل کمیٹی دے قیام دی ہدایت کیتی جیڑھی کمیونیکیشن ، زراعت، توانائی اتے بئے مجوزہ منصوبیاں داجائزہ گھن تے سفارشاںڈیسی۔
وزیراعظم عمران خان دی زیر صدارت نیشنل ڈویلپمنٹ کونسل دا ڈوجھا اجلاس،بلوچستان اچ امن ،سماجی واقتصادی ترقی ترجیح اے،گوادر اتے سی پیک منصوبیاں اچ بلوچستان تے ودھ توجہ ڈتی ویندی پئی اے،وزیراعظم
مضمون کا ماخذ : loterias da caixa
متعلقہ مضامین
