نینگر ملک دا اثاثہ ہین جنھاں تے بئی سرمایہ کاری کریسوں،آندے ویلھے اچ ملکی معیشت کوں سنبھالنڑ اچ نینگراں دا بہوں وڈا کردار ہوسی،وزیراعظم عمران خان دی معاون خصوصی نوجوانان عثمان ڈارنال
گال مہاڑ
اسلام آباد ۔ 14 اپریل (اے پی پی)وزیراعظم عمران خان بنکاں کوں کامیاب جوان پروگرام اچ شامل کرنڑ دی وی منظوری ڈیندے ہوئے کامیاب جوان پروگرام دے تحت رقم ڈیوونڑ دی ودھ توں ودھ حد پنجھاہ لکھ توں ڈھائی کروڑ روپے تئیں کر ڈتی اتے ایں رقم تے واجب الاداانٹرسٹ ریٹ وی اٹھ فیصد توں گھٹ کر نڑ دا فیصلہ کیتے۔اے فیصلہ وزیراعظم عمران خان معاون خصوصی نوجواناں عثمان ڈار ملنڑ ویلے کیتے جئیں انہاں نال اسلام آباد اچ ملاقات کیتی۔ملاقات اچ وزیراعظم کامیاب جوان پروگرام دے تحت رقم ڈیوونڑ دی ودھ توں ودھ حد پنجھاہ لکھ توں ڈھائی کروڑ روپے تئیں کرنڑ اتے ایں رقم تے واجب الاداانٹرسٹ ریٹ وی اٹھ فیصد توں گھٹ کر نڑ دا فیصلہ کیتے۔وزیراعظم عمران خان عثمان ڈار کوں ہدایت کیتی اے جو کرونا دی صورتحال چنگی تھیونڑ دی فوری بعد ہی ایں رقم دی ترسیل دا نظام تیکھا کر ڈتا ونجے تاں جو ایندے توں نینگر ودھ فیدہ چا سگسن اتے اپنڑا کاروبار ودھاون اتے اپنڑا روزگار کماون۔وزیراعظم عمران خان ملک دے سارے بنکاں کوں کامیاب جوان پروگرام اچ شامل کرنڑ دی وی منظوری ڈتی اے اتے آکھیے جو نینگراں کوں ودھ توں ودھ سوکھ ڈتا ونجے،لاک ڈاون اچ نرمی تھیندے ہی نینگراں کوں کاروباری میدان اچ اگو تے گھن آونڑ دی ودھ کوشش کیتی ونجے۔وزیراعظم ا ٓکھیے جو نینگر ملک دا اثاثہ ہین جنھاں تے بئی سرمایہ کاری کیتی ویسی تاں جو ملک دا مستقبل سنور سگے،آندے ویلھے اچ ملکی معیشت کوں سنبھالنڑ اچ نینگراں دا بہوں وڈا کردار ہوسی۔
وزیراعظم کامیاب جوان پروگرام دے تحت رقم دی حد50 لکھ توں ڈھائی کروڑ روپے کر ڈتی،واجب الاداانٹرسٹ ریٹ وی 8 فیصد توں گھٹ کر نڑ دا فیصلہ،بنک وی پروگرام دا حصہ ہوسن
مضمون کا ماخذ : لاٹری جیتنے کی گائیڈ
متعلقہ مضامین
