اسلام آباد۔30جون (اے پی پی):وزیر خارجہ شاہ محمود قریشی چتاوݨی ݙتی اے جو جے قومی اسمبلی اچ قائد ایوان کوں ڳال نہ کرݨ ݙتی ویسی تاں قائد حزب اختلاف اتے بلاول بھٹو زرداری وی ڳال نہ کرسڳسن ، اساکوں پارلیمانی آداب سکھاوݨ آلے ݙساون جو میثاق جمہوریت دے مطابق سندھ اچ اپوزیشن لیڈر کوں پبلک اکائونٹس کمیٹی دی سربراہی کیوں نی ݙتی ویندی ،قائمہ کمیٹیاں اچ اپوزیشن ارکان کوں نمائندگی کیوں نی ݙتی ویندی ، افغانستان دی صورتحال تے اڄ خمیس کوں پارلیمانی قیادت کوں سݙیے جنہاں کوں بریفنگ ݙتی ویسی ۔ ٻدھ کوں قومی اسمبلی اچ بلاول بھٹو زرداری ، شاہد خاقان عباسی ، اسعد محمود اتے خواجہ آصف دے اعتراض دے نکتے دا جواب ݙیندے ہوئیں وزیر خارجہ شاہ محمود قریشی آکھیے جو اتھاں اے نکتہ چاتا ڳیا جو اے بجٹ پاکستان دے عوام دا ترجمان نی تاں جواب اے ہے جو قوم دے 172 نمائندیں آپݨے ووٹ توں بجٹ تے اعتماد دا اظہار کیتے۔ ایوان دی واضح اکثریت ایندی حمایت کیتی، خواجہ آصف ووٹ کوں عزت ݙیو دی ڳال کیتی تاں اساں اے آکھدوں جو ووٹ کوں عزت ݙیوݨی چاہیدی اے تاں جو حکومتی بنچاں تے بیٹھے لوک وی عوام دا ووٹ گھن تے آئن انہاں دے ووٹ دا احترام تھیوݨا چاہیدے
قائد ایوان کوں پہلی تقریر دے موقع تے نہ روکیا ویندا تاں اے نوبت نہ آندی، اساکوں پارلیمانی آداب سکھاوݨ آلے ݙساون سندھ اچ اپوزیشن لیڈر کوں پبلک اکائونٹس کمیٹی دی سربراہی ، قائمہ کمیٹیاں اچ اپوزیشن ارکان کوں نمائندگی کیوں نی ݙتی ویندی ، شاہ محمود قریشی
مضمون کا ماخذ : سپرمین: فلم
متعلقہ مضامین
