اسلام آباد۔28جون (اے پی پی):گزریل چووی گھنٹے اچ کورونا وائرس پاروں پنجاب توں بعد سندھ اچ ساریں توں ودھ لوکاں دی موت ریکارڈ کیتی ڳئی ۔ پورے ملک اچ چووی گھنٹے دے دوران کورونا وائرس توں 20 اموات تھیاں جنہاں اچوں 11 اموات وینٹیلیٹرز تے موجود مریضاں دیاں تھئن ۔نیشنل کمانڈ اینڈ آپریشن سینٹرولوں جاری اعدادو شمار موجب گزریل 24 گھنٹے دے دوران پورے ملک اچ 914 لوکاں دے کووڈ۔ 19 ٹیسٹ مثبت آئے۔گزریل 24 گھنٹے اچ کووڈ۔19 دے 44 ہزار 496 ٹیسٹ کیتے ڳئن جنہاں اچوں سندھ اچ 14 ہزار 52، پنجاب اچ 15 ہزار 565، خیبرپختونخوا اچ 10 ہزار 106،اسلام آباد اچ 3 ہزار 180، بلوچستان اچ 790،گلگت بلتستان اچ 339، آزاد کشمیر اچ 464 ٹیسٹ شامل ہن۔ ہݨ تئیں پورے ملک اچ کووڈ۔19 توں صحتیاب تھیوݨ آلیں دی تعداد 9 لکھ 1 ہزار 201 تھی چکی اے۔
مضمون کا ماخذ : como ganhar na quina
