کراچی ۔20جون (اے پی پی):وفاقی وزیر اطلاعات و نشریات چوہدری فواد حسین آکھیے جو سندھ دے اندر جمہوریت دے ناں تے ڈکٹیٹر شپ موجود اے، سندھ اچ اڳلی حکومت پاکستان تحریک انصاف دی ہوسی، پی ڈی ایم دے ناں تے اپوزیشن ھک بد ذائقہ ڈش تیار کیتی جیں کوں اے خود وی چکھ نی سڳدے ۔ اے ساریاں جماعتاں دم بھن ݙیندیاں سیاسی تخت نشینی دی لڑائی دا حصہ ہن، بھان متی کنبہ جوڑا، کہیں دی سلھ تے کہیں دا روڑا ، انہاں دی صورت حال اے ہے ، اتوار کوں کراچی پریس کلب اچ میڈیا نال ڳال مہاڑ کریندے ہوئیں وفاقی وزیر اطلاعات آکھیے جو اپوزیشن عمران خان کوں چیلنج ݙیوݨ چاہندی اے تاں پہلے آپدے گریبان اچ جھانکے ۔ ایں ویلھے پاکستان دا کوئی لیڈر اے تاں او عمران خان ہن ، اڄ تئیں پاکستان دے کہیں لیڈر افغانستان تے اتنی واضح پالیسی نی ݙتی اساں پارلیمان کوں تکڑا کرݨ چاہندوں ۔ اساں ݙٹھی ہوئی معیشت کوں سہارا ݙتے ، آںدے مالی سال اساݙی معیشت 6 فیصد تئیں ترقی کریسی ، اپوزیشن لیڈر انتخابی اصلاحات تے پارلیمنٹ توں ٻاہر معاملات طے کرݨ چاہندن ، صاف ظاہر اے شہباز شریف دا آپݨی پارٹی تے کنٹرول کائنی ، انہاں کوں آپݨے فیصلیں کیتے کہیں ݙوجھے دے مونڈھے دا سہارا گھنݨ دی لوڑھ ہوندی اے ، پارلیمان دے بل تے پارلیمنٹ دے ٻاہر غیر منتخب لوکاں تے انحصار کرتے پارلیمنٹ کوں کمزورکریسن تاں ایندے نال جمہوریت کمزور تھیسی ۔
جیڑھا پیسہ سندھ سرکار دے حوالے کریندوں او ٻاہرلے ملک توں برآمد تھیندے ، چوہدری فواد حسین
مضمون کا ماخذ : کمپیوٹر لاٹری
متعلقہ مضامین
