اسلام آباد۔1جون(اے پی پیسپیکرقومی اسمبلی اسدقیصر آکھیے جو اقتصادی تعاون دی تنظیم دے رکن ممالک کوں اپݨے موثر اجتماعی کردار نال عالمی سیاست اچ ڄاہ بݨاوݨ اتے علاقائی ترقی تے توجہ ݙیوݨی ہوسی، ای سی او ممالک مشرق اتے مغرب دی عالمی تجارتی راہداری دا کلہا رستہ ہین، سی پیک اچ پاک چین ریلوے ٹریک پورے خطہ کیتے اقتصادی ترقی دا راہ ݙیسی، کشمیریاں دی حمایت جاری رکھیسوں۔ اے ڳالھ انہاں اسلام آباد اچ تھیوݨ آلی اقتصادی تعاون دی تنظیم ای سی او دی پارلیمانی اسمبلی دی ݙوڄھی کانفرنس دی افتتاحی تقریب نال خطاب اچ آکھی۔ انہاں آکھیا جو گوادر اتے چاہ بہار وچال ریل نیٹ ورک دا قیام تے یورپ، ایران اتے ترکی دے ذریعے وسط ایشیا تئیں ایندی رسائی خطہ اچ اہم اقتصادی ترقی اچ پیش رو ثابت تھیسی، پاکستان کشمیری عوام دی سیاسی، اخلاقی اتے سفارتی حمایت جاری رکھیسی۔ کانفرنس دی میزبانی سپیکر اسد قیصر کریندے پین۔ کانفرنس دا مرکزی موضوع علاقائی اتحاد کیتے پارلیمانی شراکت ودھاوݨ اے۔ شرکا ای سی او دے ممبر ممالک وچال پارلیمانی تعاون ودھاوݨ، تجارت، سیاحت اتے معاشی روابط ودھاوݨ تے الایا ڳئے۔ کانفرنس اچ باہمی امن و خوشحالی، بین پارلیمانی رابطیاں، خطے اچ پائیدار ترقی دے اہداف، کرونا جھیں چیلنجاں نال نبݨݨ دے ایجنڈے تے غور کیتے۔ ایں توں پہلے اقتصادی تعاون تنظیم (پائیکو) دی ݙوڄھی جنرل اسمبلی کانفرنس دا افتتاح صدر مملکت ڈاکٹر عارف علوی کیتے۔ ݙو ݙیہاڑی کانفرنس بدھ کوں مکسی۔ کانفرنس اچ افغانستان، ترکی، ازبکستان، تاجکستان، آذربائیجان، قزاخستان اتے کرغزستان دے سپیکرز اتے مندوبین شریک ہین۔ ایران اتے ترکمانستان دے سپیکرز وڈیو لنک تے خطاب کیتے۔ اسد قیصر کانفرنس اچ شرکت تے رکن ملکاں دا شکریہ ادا کیتا۔
ای سی او ممالک مشرق اتے مغرب دی عالمی تجارتی راہداری دا کلہا رستہ ہین، سی پیک اچ پاک چین ریلوے ٹریک پورے خطہ کیتے اقتصادی ترقی دا راہ ݙیسی، کشمیریاں دی حمایت جاری رکھیسوں، سپیکرقومی اسمبلی اسد قیصر
مضمون کا ماخذ : لوٹیریا علاقائی
متعلقہ مضامین
