اسلام آباد۔30نومبر (اے پی پی):وفاقی وزیر صنعت و پیداوار حماد اظہر آکھیے جو سندھ حکومت اپݨے ݙاہ ہزار میٹرک ٹن یومیہ اجرا دے وعدے دے برعکس محض 6 ہزارمیٹرک ٹن کݨک دااجراء کیتے ۔سنوار کوں اپݨے ٹویٹ اچ انھاں آکھیے جو صرف اے ہی نی بلکہ ݙوجھے صوبیں دی نسبت سندھ ولوں کݨک دے جاری تھیوݨ اچ تاخیر تھئی ۔گھٹ اجراء پاروں سندھ دےعوام مہانگا اٹا گھنݨ تے مجبور ہن ۔انھاں آکھیے جو 20 کلو اٹے دی قیمت 22 اکتوبر کوں 1036 روپے توں 26 نومبر 979 روپے تے آ ڳئی ،اے کمی ٻئی وی گھٹ تھی سڳدی ہئی اگر سندھ حکومت وی قیمتاں اچ پنجاب جتنی کمی کیتی ہوندی جتھاں اوسط قیمت 860 روپے ھے ۔انھاں آکھیے جو پورے ملک اچ اٹے کی اوسط قیمت 979 روپے ڄݙاں جو سندھ اچ اے 1061 روپے ھے۔
مضمون کا ماخذ : میگا ملینز کے نمبر
