امریکی سینیٹر لنڈ سے گراہم دی میدیا نال گالھ مہاڑ
اسلام آباد ۔ 20 جنوری (اے پی پی) امریکی سینیٹر لنڈسے گراہم افغانستان اچ امن اتے مفاہمت اتے دہشتگردی دے خلاف جنگ اچ پاکستان دے کردار دی تعریف کریندے ہوئیں آکھیے جو ڈونلڈ ٹرمپ تیکھے پاکستان دے وزیراعظم عمران خان نال ملسن،وزیراعظم عمران خان تبدیلی دے حقیقی اگوانڑ ہین اتے انہاں دا کئی معاملیاں تے مثبت وژن اے،پاکستان سرمایہ کاری کیتے چنگی جاہ اے۔انہان وزیراعظم پاکستان عمران خان دی قابل اعتماد شخصیت دی وی تعریف کیتی اتے آکھیا جو افغان مسئلے دے حل کیتے پرامن مذاکرات کیتے عمران خان دا موقف بالکل درست ہا۔اسلام آباد اچ امریکی سفارتخانہ اچ میڈیا نال الویندے ہوئیں امریکی سینیٹر لنڈسے گراہم آکھیا جو امریکی انتظامیہ دی پاکستان نال پرانڑی سوچ کوں اقتصادی اتے وسیع شراکت داری تعلقات اچ تبدیل کرنڑا چاہیدے،افغانستان دی سرحد تے قبائلی علاقیاں کوں محفوظ بنڑاونڑ دے اقدامات، پاکستانی حکومت دی دہشتگردی دے خلاف کوششاں اتے مسلح افواج دی دہشتگردی دے خلاف قربانیاں ناقابل یقین ہین،ایں سانگے دہشتگردی توں متاثرہ قبائلی علاقیاں اچ تبدیلی تھیونڑی چاہیدی اے، قبائلی عوام کون قومی دھارے اچ رلاوننڑکیتے وڈے اقتصادی اتے تعلیمی اصلاحات دے پروگراماں دی لوڑھ اے۔ انہاں پاکستانی قیادت نال اپنڑیاں ملاقاتاں اتے گالھ مہاڑ مثبت قرار ڈتی اتے آکھیا جو پاک امریکا تعلقات مضبوط سٹریٹجک اقتصادی شراکت داری اچ تبدیل تھیونڑے چاہیدن ۔سینیٹر گراہم منیے جو ماضی اچ ڈوہاں ملکاں وچال سرد مہری توں بعد امید اے جو ہنڑ اے تعلقات چنگے طریقے نال اگو تے ٹرسن کیوں جو عمران خان دی ٹرمپ نال ٹیلی فونک گالھ مہاڑنویں تعلقات سانگے ہک وڈی پیش رفت ثابت تھیسی۔انہاں آکھیے جو خطے اچ اہمیت دے لحاظ نال وڈا ملک ہوونڑ پاروں پاکستان افغان مفاہمتی عمل کیتے کلیدی کردار ادا کریسی، افغانستان اچ کئی ڈھاکیاں دی جنگ توں بعد امریکا افغانستان توں فوری فوجی انخلا نئیں کر سگدی، ایں سانگے افغان طالبان کوں ہتھیار سٹ تے مذاکرات کیتے اگو تے آ تے افغان آئین دے تحت افغانستان دے سیاسی عمل دا حصہ بنڑنا ہوسی۔ انہاں آکھیا جو امریکی فوج افغانستان اچ افغان فوج دی تربیت اتے مدد کیتے بیٹھی اے اتے داعش و طالبان جھیاں تنظیماں دے ہوندے امریکا دا افغانستان اچ حالی راہنڑا ضروری اے۔
امریکا دی افغانستان اچ امن اتے مفاہمت ، دہشتگردی دے خلاف جنگ اچ پاکستان دے کردار دی تعریف
مضمون کا ماخذ : کمپیوٹر لاٹری کے نمبر
متعلقہ مضامین
