مظفر آباد۔8مارچ(اے پی پی) وزیراعظم شهباز شریف وئيلي دي چې د وفاقي حكومت لخوا به په آزاد كشمير كښې د بارانونو او واورې ورېدو دلاسه ځپليو شويو وګړو ته د مارچ تر 13 مې نېټې معاوضه وركړې شي٬ تر هغه وخت به مونږ ته آرام رانشي تر كومې مو چې د ځپلې شويو وګړو كورونه يو وارې بيا ودان كړې نه وي ٬ پاكستان ته د پېښو چېلنجونو مخنيوي له به مونږ له پرته له خپل ذات يو موټې كېدو سره مخ په وړاندې تلل وي٬ وخت راغلې چې د معيشت په اړه سترې پرېكړې وكړې شي كومې چې اشرافيه لپاره بې شكه سختې وي خو د دې ګټه عام اولس ته ورسي۔ ده دا خبره د جمعې په ورځ په آزاد كشمير كښې د بارانونو او واورېدو ورېدو پېښو له امله ځپلې شويو وګړو سره د ملاقات په مهال خپلو خبرو كښې وكړه۔ په دې موقعه وزيراعظم په سختو بارانونو او د واورې ورېدو پېښو كښې د مړو شويو كسانو كورنيو ته د مرستې چېكونه وركړل۔ دې څخه وړاندې د آزاد كشمير وزيراعظم چوهدري انوار الحق وزيراعظم شهباز شريف ته د اوسنيو بارانونو د لاسه په آزاد كشمير كښې د شوې زيانونو په اړه بريفنګ وركړو۔ ده ته ووئيلې شوو چې په آزاد كشمير كښې 8 كسان په حق رسېدلي ٬ 88 كورونه په بشپړه توګه ويجاړ شوي او 281 كورونو او 26 دكانونو ته جزوي زيان رسېدلے دے۔ وزيراعظم ووئيل د قدرتي آفتونو په مهال چې كوم ځان زيان شوے دے د هغې ازاله د چا په وس كښې نه ده دا د پاك پروردګار قضا ده٬ مونږ په حق رسېدليو له د بخښنې او ژوبل شويو له د زر روغتيا دعا كوؤ۔ ده ووئيل د مصيبت په دې سخت وخت كښې مونږ ځپليو كورنيو سره ولاړ يؤ۔ وزیراعظم ووئيل چې كوم كسان په حق رسېدلې دي د هغوي كورنيو ته د 20 ٬ 20 لكه روپو د مرستې چېكونه وركړې شوي دي۔ ده ووئيل د حكومت ذمه واري ده چې كوم كسان په حق رسېدلي دي د هغوي د ماشومانو كفالت وكړي۔ ده ووئيل ژوبل شويو ته به د 5 لكه روپو چېك وركولې شي۔ ده ووئيل چې كوم كورونه ويجاړ شوي دي وفاقي حكومت به د معاوضې په مد كښې هغې لپاره 7 ٬7 لکه او چې كومو ته جزوي زيان رسېدلې دې هغې لپاره 3 ٬ 3 لكه روپۍ جاري كوي۔ شهباز شريف ووئيل د مارچ تر 13 مې نېټې به ځپليو ته د مرستې دا رقم ورسولې شي۔ د آزاد كشمير وزيراعظم شهباز شريف سره په پرمختيائي كارونو د خيالاتو څرګندونه هم وكړه۔ ده ووئيل دا مهال د پاكستان د محصولاتو په مد كښې د آمدن تخمينه روان مالي كال كښې 12کھربه روپۍ ده۔ په زيات مقدار كښې د ټېكس غلا د لاسه د محصولاتو ټول رقم خزانې ته نه راځي۔ ده ووئيل د پی آئی اے خساره 825 اربه روپۍ ده٬ هر كال سركاري ادارې د څو اربه روپو نقصان كوي۔ ده ووئيل په نړۍ كښې تباه حال قومونو خپله ماتې په خوارۍ كښې بدلولو سره كاميابي ترلاسه كړې ده۔ ده ووئيل نړۍ به د عمل د لارې بدلولې شي٬ مونږ ټولو له به په ګډه د پاكستان په مسئلو او چېلنجونو قابو موندل وي۔ ده ووئيل وخت راغلے چې مونږ دا عهد وكړو چې مونږ به د پاكستان د جوړؤنكو روحونو ته سكون رسوؤ او پاكستان قرضو څخه خلاصولو له به شپه او ورځ خواري كوؤ٬ په نړۍ كښې هېڅ كار ناممكنه نه دے۔ د آزاد كشمير وزيراعظم كشميري اولس سره د يو والي په څرګندونه كولو د پاكستان د وزيراعظم شهباز شريف مننه كولو سره ووئيل د پاكستان حكومت او اولس تل خپلو كشميري وروڼو سره ولاړ پاتې شوي دي۔ ده وزيراعظم څخه ریسکیو 1122 لپاره د چورلكې خواست وكړو دغسې چې د واورې ورېدو يا د سړكونو د بند پاتې كېدو په صورت كښې قيمتي ځانونه بچ كړې شي۔ ده ووئيل د وزيراعظم راتللو او د يو والي څرګندونه كولو سره د آزاد كشمير د حكومت ډاډګيرنه شوې ده او په دې مونږ د پاكستان د وزيراعظم مننه كوؤ۔ په دې موقعه شهيد شويو لپاره د بخښنې دعا وكړې شوه۔ د اېن ډی اېم اے چیئرمین جنرل انعام ، د قانون ساز اسمبۍ سپيكر چوهدری لطیف اکبر ، د مسلم لیګ (ن) آزاد کشمیر صدر شاہ غلام قادر ، د قومي اسمبلۍ غړې عطاء تارړ ، چیف سېکتر ، آئی جی ، د آزاد كشمير د کابینې غړي او د بارانونو او د واورې ورېدو د لاسه ځپلې شوي وګړي لويې شمېر كښې موجود وو۔
په آزاد كشمير كښې د بارانونو او واورې ورېدو دلاسه ځپليو شويو وګړو ته د مارچ تر 13 مې نېټې معاوضه وركړې شي٬ مونږ ټولو له به په ګډه د پاكستان په مسئلو او چېلنجونو قابو موندل وي٬ وزيراعظم شهباز شريف
مضمون کا ماخذ : پاکستان لاٹری نمبر
متعلقہ مضامین
