اسلام آباد۔7مارچ (اے پی پی) د منصوبه بندۍ ٬ پرمختګ ٬ اصلاحات او خصوصي اقدامات وفاقي وزير احسن اقبال وئيلي دي د پاكستان په درېو كښې دوه برخې آبادي په ځوانانو مشتمل دے ٬ په دومره لوي شمېر كښې ځوانانو ته د زده كړو آسانۍ وركول زياتې ضروري دي٬ سېلاب ځپليو سيمو سره تعلق لرونكو زده كوؤنكو هلكانو او انجونو ته به 500 سكالرشپس وركولې شي۔ د دې خيالاتو څرګندونه ده د نهې په ورځ په اېچ اي سي اسلام آباد كښې د مېرمنو نړيوالې ورځ په مناسبت سره راجوړې كړې دستورې ته خطاب كښې وكړه۔ په دستوره كښې د يو اېس اېډ په مرسته د اېچ اي سي لخوا د سېلاب ځپليو سيمو زده كوؤنكو هلكانو او انجونو لپاره 500 سكالرشپس اعلان كړے شول۔ په دستوره كښې پاكستان كښې د امريكا سفير ډونلډ بلوم هم ګډون كولو۔ دستورې ته خپل خطاب كښې وفاقي وزير احسن اقبال ووئيل زه د 500 سکالرشپس په اعلان د ايو اېس اېډ مننه كوم۔ ده ووئيل د سېلاب ځپليو سيمو زده كوؤنكو سره مرسته كول زياته ضروري ده ۔ وفاقی وزیر ووئيل نن عمران د قانون څخه تېښتې٬ زه د سرجري باوجود د نېب په نوټس وړاندې شوم٬ ګرفتار كړے شوم ٬ زمونږ لارښود عدالتونو ته وړاندې كړے شول۔ ده ووئيل كوم كس چې مونږ ته د لويديز د جمهوريت درس راكولو ٬ كوم كس چې مونږ ته د عدليه احترام ښودلو ٬ اوس اوګورئ څنګه له قانون څخه پېټېږي٬ خلقو ته د مړانې درس وركوؤنكے د عدالت سمن ترلاسه كولے نه شي۔
د سېلاب ځپليو سيمو زده كوؤنكو ته به 500 سكالرشپس وركولې شي٬ احسن اقبال
مضمون کا ماخذ : جادوئی اسپن
متعلقہ مضامین
