پاکستان پوسٹ دی ڈیجیٹلائزیشن منصوبے بارے معاہدے تے آندے ہفتے دستخط تھیسن
وزیر مواصلات مراد سعید دی وزیر اعظم دی صدارت اچ اجلاس اچ بریفنگ
مشیر اصلاحات ڈاکٹر عشرت حسین ’ مجموعی طور سرکاری ملازماں دی پنشن بارے بنڑائی گئی تجویزاں بارے وزیراعظم کوں ڈسیا
اسلام آباد ۔ 13 مئی (اے پی پی)وزیرِاعظم عمران خان ’ پاکستان پوسٹ پنشن فنڈ دے قیام دی اصولی منظوری ڈے ڈتی اے۔اے فیصلہ بدھ کوں وزیراعظم عمران خان دی صدارت اچ پاکستان پوسٹ ملازماں دی پنشن بارے تھیونڑ آلے اجلاس اچ کیتا گئیا۔اجلاس اچ وزیر مواصلات مراد سعید، وزیر منصوبہ بندی اسد عمر، مشیر خزانہ ڈاکٹر عبدالحفیظ شیخ، مشیر برائے ادارہ جاتی اصلاحات ڈاکٹر عشرت حسین، سیکرٹری خزانہ نوید کامران بلوچ، ڈائریکٹر جنرل پاکستان پوسٹ محمد اخلاق رانا تے بئے سینئر افسر شریک تھیے۔اجلاس اچ ڈسیا گئیا جو پاکستان پوسٹ دے بجٹ خرچے دا تقریباً 34فیصد پنشن دا اے جیڑھا جو ودھدا ویندے ،ووزیراعظم دی ہدایت تے ملائیشیا دے پنشن ماڈل کوں ڈیکھدیں ہوئٰں پاکستان پوسٹ پنشن فنڈز دے قیام دی تجویز پیش کیتی،پاکستان پنشن فنڈ دا مقصد حکومت تے پوونڑ آلے پنشن دے بوجھ اچ گھٹکی اتے ملازماں دی پنشن دے معاملے دا چنگا نظام بنڑاونڑاں اے۔وزیراعظم تجویز دی اصولی منظوری ڈیندیں ہوئیں وزارتِ خزانہ، وزارتِ مواصلات، سکیورٹی ایکسچینج کمیشن آف پاکستان اتے نیشنل انویسٹمنٹ ٹرسٹ تے مشتمل کمیٹی بنڑاونڑ دی منظوری ڈتی جیڑھی جو مجوزہ فنڈز بنڑاونڑ اتے اوندے نظام بارے جامع طریقہ کار اتے بئے تفصیل کابینہ دے سامنڑے پیش کریسی۔وزیر مواصلات مراد سعید دی وزیر اعظم دی صدارت اچ اجلاس اچ بریفنگ ڈتی۔ مشیر اصلاحات ڈاکٹر عشرت حسین ’ مجموعی طور سرکاری ملازماں دی پنشن بارے بنڑائی گئی تجویزاں بارے وزیراعظم کوں ڈسیا۔وزیراعظم کوں ڈسیا گیئیا جو پاکستان پوسٹ دی ڈیجیٹلائزیشن منصوبے بارے معاہدے تے آندے ہفتے دستخط کیتے ویسن۔وزیرمواصلات ڈسیا جو ہاکستان پوسٹ ولوں پہلی واری بڈھڑے اتے ریٹائرڈ ملازماں دی پنشن انہاں دے گھر ڈتی گئی اے،ایں کم کوں اقوام متحدہ سمیت پوری دنیا اچ تعریف تھیندی پئی اے۔پاکستان پوسٹ ولوں پنشنرز کوں عید دے موقع تے ایڈوانس پنشن ڈتی ویندی پئی اے۔وزیراعظم آکھیا جو حکومت دے محدود وسائل اتے پنشن دے ودھدے ہوئے خرچیاں کوں ڈیکھدیں ہیوئیں لوڑھ ایں گالھ دے اے جو پنشن دے نظام کوں جدید بنڑایا ونجے ۔
وزیرِاعظم عمران خان ’ پاکستان پوسٹ پنشن فنڈ دے قیام دی اصولی منظوری ڈے ڈتی
مضمون کا ماخذ : ولف گولڈ
متعلقہ مضامین
