اسلام آباد ۔ 22 دسمبر (اے پی پی)وزیراعظم شاہد خاقان عباسی دے زیر صدارت اقتصادی رابطی کمیٹی اجلاس پنجاب کوں 15لکھ اتے سندھ کوں 5 لکھ ٹن کنڑک اتے کنڑک دیاں مصنوعات برآمدکرنڑ دی منظوری ڈتی اے، پاک چین اقتصادی راہداری منصوبہ دے تحت نیشنل ہائی وے اتھارٹی دے بنیادی ڈھانچے دے منصوبیاں کیتے تعمیراتی موادتے درآمدی ٹیکس دے استثنیٰ دی تجویز وی منظور کرگھدی گئی۔اے استثنیٰ پشاور توں کراچی تئیں موٹرویزدے سکھر ملتان سیکشن دی تعمیرتے لاگو تھیسی۔اجلاس مالیاتی شمولیت اتے بنیادی ڈھانچے دے منصوبے دے نفاذسانگے سٹیٹ بینک آف پاکستان کوں فنڈز جاری کرنڑ کیتے حکومت پاکستان دی ری لینڈنگ پالیسی توں استثنیٰ ڈیونڑ دی وی منظوری ڈتی۔ ای سی سی سرکاری یونیورسٹیاں کوں انکم ٹیکس آرڈینس مجریہ 2001ءدے سیکشن 113توں استثنیٰ ڈیونڑ دی تجویز وی منظور کیتی۔ فیڈرل بورڈ آف ریونیو ولوں بعض اشیاءتے انضباطی ڈیوٹیاں اچ کمی دے نال نال حکومت پاکستان نال خصوصی معاہدہ کرنڑ آلیاں کمپنیاں تے انکم ٹیکس آرڈیننس 2001ءدے سیکشن 5Aدے نفاذتوں استثنیی دی تجویز وی منظور کیتی۔ٹینڈر دے ذریعے شوگرملاں کوں وادوھ کھنڈ دے سٹاک توں 0.3ملین میٹرک ٹن کھنڈ خریداری اتے عالمی ٹینڈر دے ذریعے برآمد دی وی منظوری ڈتی۔ اقتصادی رابطہ کمیٹی خیبرپختونخوا تے حکومت پنجاب دے بجلی دے خالص منافع دے بقایا جات دی ادائیگی کیتے واپڈا کوں حکومت پاکستان دی خود مختار ضمانت دے تحت بینکاں توں مالی امداددی وی اجازت ڈتی۔
اقتصادی رابطہ کمیٹی اجلاس ؛20 لکھ ٹن کنڑک، کنڑک مصنوعات برآمد کرنڑ دی منظوری
مضمون کا ماخذ : ہاٹ اسپن
متعلقہ مضامین
