اسلام آباد۔10فروری (اے پی پی):وفاقی وزیر مذہبی امور نورالحق قادری آکھیے جو لڳدے آندا حج وی ریگولر انداز دا نہ تھیسی ، سعودی حکومت حج انتظامات دے حوالے نال اساکوں انتظار دا آکھیے ، فضل الرحمان ہر چیز کوں سیاست دی بھینٹ چڑھیندن ، تحریک لبیک دے نال معاملہ افہام و تفہیم نال حل کرڳھدا ویسی ۔ٻدھ کوں وفاقی تعلیمی بورڈ اچ مدارس دینیہ دی سنداں ونڈݨ دی تقریب دے موقع تے میڈیا نال ڳالھ مہاڑ کریندے ہوئیں نورالحق قادری آکھیے جو اساں حج دے حوالے نال عوام دی تشویش توں آگاہ ہیسے تے سعودی حکام نال مسلسل رابطے اچ ہوں ، لڳدے جو ایں واری وی ریگولر حج نہ تھی سڳے لیکن ایں واری شاید تعداد حاجیاں دی پچھلی واری توں ودھ ہوسی ، اساکوں سعودی حکام آکھیے جو حالی حاجیاں توں درخواستاں نہ گھنو ، جݙاں تئیں تعداد اساݙے سامݨے نی آندی اوں ویلھے تئیں ایئرلائنز نال ڳالھ کرݨ دا فیدہ کائنی ۔انہاں آکھیے جو سعودی حکام نال حالی حج دے حواےل نال ایم او یو سائن نی تھیا ۔
