اسلام آباد01 مارچ (اے پی پی)د كورنيو چارو وفاقي وزير رانا ثناﺀ الله خان وئيلي دي چې تعليمي چارو كښې به كوم ډول خلل زغملے نه شي ٬د قائداعظم پوهنتون انتظاميې په خواست د شرخوښو عناصرو په ضد مقدمه هم درج كړی شوې٬ سپېشل پوليس فورس به په تعليمي ادارو كښې تعينات كولې شي دغسې چې تعليمي هلې ځلې په غوره ډول روانې وساتلې شي۔ د شورو په ورځ په خپل يو بيان كښې د كورنيو چارو وفاقي وزير رانا ثناﺀ الله خان ووئيل چې د قائداعظم پوهنتون هاسټلز خالي كړی شوې او په دې كښې د پوهنتون انتظاميې د پوليس مرسته ترلاسه كړې۔ د پوهنتون انتظاميې او د زده كوؤنكو مور پلار په فوري كارروايۍ كولو د كورنيو چارو وفاقي وزير رانا ثناﺀ الله خان او د اسلام آباد كيپيټل پوليس مننه كړی۔ د كورنيو چارو وفاقي وزير ووئيل چې په تعليمي ادارو كښې به چاته د سياست كولو اجازه وركولې نه شي۔ په تعليمي چارو كښې به كوم خلل زغملے نه شي۔ ده ووئيل د تعليمي ادارو فضاﺀ تحقيقي او تخليقي چارو لپاره سازګاره جوړولې شي۔ ده ووئيل چې د تشدد پیښو حوصله شكني به كولې شي۔ ده ووئيل د اسلام آباد كيپيټل پوليس د انتها خوښۍ مخ نيوي يونټ يو شمېر تعليمي ادارو سره په رابطه كښې دې او دورې كوي۔
تعليمي چارو كښې به كوم ډول خلل زغملے نه شي۔ د كورنيو چارو وفاقي وزير رانا ثناﺀ الله خان
مضمون کا ماخذ : شمال کے ڈریگن
متعلقہ مضامین
