اسلام آباد۔3فروری (اے پی پی):پاکستان سیٹیزن پورٹل تے شہری دیاں کاٹھیاں چاوݨ کیتے ٹرانسپورٹ دی سہولت ݙٰوݨ دی تجویز تے وزیراعظم عمران خان وختی ایکشن گھندے ہوئیں مونڈھے تے کھاٹیاں چاوݨ آلیاں تریمتاں تے بزرگ شہریاں کیتے ٹرانسپورٹ ݙیوݨ دا حکم ݙتے۔ بدھ کوں وزیرا عظم آفس توں جاری بیان موجب وزیراعظم عمران خان ریڈ زون دے آسے پاسے کچی وستی دے غریب لوکاں کیتے وختی سہولت تے کاٹھیاں چاوݨ کیتے ٹرانسپورٹ ݙیوݨ دی ہدایت کیتی اے ۔ وزیر اعظم دی ہدایات دے مطابق سی ڈی اے کچی وستی دے رہݨ آلیں کیتے ٹرانسپورٹ دا انتظام کریسی ۔ ٹرانسپورٹ دی سہولت مفت ݙتی ویسی۔ سہولت دے ذریعے تریمتاں ، ٻالاں تے بزرگاں کوں مسلم کالونی تئیں رسائی ہوسی ۔وزیراعظم دی خصوصی ہدایت تے سی ڈی اے وختی ایکشن گھندے ہوئیں ٹرانسپورٹ دی سہولت ݙے ݙتی اے۔
مضمون کا ماخذ : اضافی مرچ
