اسلام آباد ۔ 10 فروری (اے پی پی) نیول چیف ایڈمرل ظفر محمود عباسی آکھیے جو پاک بحریہ ساحلی علاقیں دے عوام دا معیار زندگی بہتر بنڑاونڑ کیتے ہر ممکن کوشش کریسی ۔ او سنوار کوں پاک بحریہ دے چیف پیٹی آفیسرز، سیلرز اتے سویلینز کیتے اورماڑہ اچ چیف آف دی نیول سٹاف اوپن فورم نال خطاب کریندے پئے ہن۔ ترجمان پاک بحریہ دے مطابق اوپن فورم اچ اورماڑہ اچ پاک بحریہ دے فلاحی اقدامات اتے جاری منصوبیں دے حوالے نال حاضرین کوں بریفنگ ڈتی گی ۔ایں موقع تے اورماڑہ دے عوام دی ترقی کیتے پاک بحریہ ولوں شروع کیتے گے منصوبیں دا جائزہ پیش کیتا گیا ۔نیول چیف، چیف پیٹی آفیسرز، سیلرز اتے سویلینز ولوں پچھے گے سوالاں دے جواب ڈتے ۔ اوپن فورم پاک بحریہ اچ مستقل بنیاداں تے تھیونڑ آلی سرگرمی اے جیں اچ چیف پیٹی آفیسرز، سیلرز اتے سویلینز مختلف امور تے اپنڑاں نقطہ نظر پیش کریندن ۔
مضمون کا ماخذ : loteria de Minas Gerais
