آپسی تعاون نال بحری معیشت کوں مستحکم بنڑا کراہیں ملک دی مجموعی قومی پیداوار کوں ترائے گنا کیتا ونج سگدے
ملک دے بحری شعبے دی چنگائی سانگے اساں کوں رل تے کم کرنڑاں پمسی،ایڈمرل ظفر محمود عباسی
اسلام آباد ۔ 24 جنوری (اے پی پی)پاک بحریہ دے سربراہ ایڈمرل ظفر محمود عباسی بحری شعبے اچ اقتصادی سرگرمیاں شروع کرنڑ دی لوڑھ تے زور ڈیندیں ہوئیں آکھیا جو آپسی تعاون نال بحری معیشت کوں مستحکم بنڑا کراہیں ملک دی مجموعی قومی پیداوار کوں ترائے گنا کیتا ونج سگدے۔ملک دے بحری شعبے دی چنگائی سانگے اساں کوں رل تے کم کرنڑاں پمسی۔او بدھ کوں کراچی چیمبر آف کامرس اینڈ انڈسٹریز دا دورے دے موقع تے گالھ مہاڑ کریندے پئے ہن ۔دورے دا مقصد مقامی تاجر برادری اتے بحری شعبے اچ ہم آہنگی پیدا کرنڑ اں ہئی تانجو ملکی معیشت کوں فروغ ڈتا ونج سگے۔کراچی چیمبر آف کامرس اینڈ انڈسٹریز دے صدر مفسر عطا ملک آپنڑے خطبہ استقبالیہ اچ بحری تجارتی راہداریاں کوں محفوظ بنڑاونڑ اچ پاک بحریہ دے کردار اتے کوششاں دی تعریف کیتی۔ نیول چیف ’ پاکستان میری ٹائم سیکیورٹی ایجنسی دے ہیڈ کوارٹرزدا وی دورہ کیتا۔ہیڈ کوارٹر آونڑ تے نیول چیف کوں ہک چاق و چوبند دستے گارڈ آف آنر ڈتا۔
پاک بحریہ دے سربراہ ایڈمرل ظفر محمود عباسی دا کراچی چیمبر آف کامرس اینڈ انڈسٹریز دا دورہ
مضمون کا ماخذ : خوش قسمت لڑکی
متعلقہ مضامین
