اسلام آباد ۔ 16 مارچ (اے پی پی) پارلیمانی سیکرٹری قومی صحت خدمات ریگولیشن اینڈ کوارڈینیشن نوشین حامد آکھیے جو حکومت وائرس کوں کھنڑنڑ توں روکنڑ کیتے سارے ضروری اقدامات کریندی پئی اے ،نجی نیوز چینل نال گال مہاڑ کریندے ہوئیں انہاں آکھیے جو حکومت کورونا وائرس دے حوالے نال متحرک اے، جڈاں جو عوام کوں وی آپ دھیان ڈیونڑ دی ضرورت اے ۔انہاں آکھیے جو باہرلے توں آونڑ آلے لوکاں کوں خود کوں 14ڈینھ تئیں انج نگہداشت اچ رکھنڑاں چاہیدے ۔انہاں مزید آکھیے جو کورونا وائرس توں ملک دے باشندیں کوں بچاونڑ تے روک تھام کیتے وزارت صحت سارے شہریاں تے رہائشیاں کوں آکھیے جو او غیر ضروری سفر نہ کرن ۔انہاں آکھیے جو بئے ملکاں توں واپس آونڑ آلے لوکاں کیتے حفاظتی اقدامات کیتے ویندے پئن سارے ہوائی اڈیاں تے سکریننگ کیتی ویندی پئی اے
مضمون کا ماخذ : quina resultados anteriores
