اسلام آباد۔24نومبر(اے پی پی) وفاقی وزیر اطلاعات، نشریات، قومی ورثہ ?? ثقافت عطاءاللہ تارڑ آکھیے وفاقی دارالحکومت اسلام آباد اچ زندگی معمول دے مطابق اے، رستے کھلئے پئن ، کجھ رستے بند ہن جنہاں دی ذمہ دار تحریک انصاف اے، شہر دا امن بحال رہسی ، کہیں کوں امن و امان خراب کرݨ دی اجازت نہ ݙتی ویسی ، پی ٹی آئی دے لوک رضاکارانہ طور تے گرفتاریاں ݙی??دے پئن ، بانی پی ٹی آئی این آر او چاہندن ، انہاں کوں چاہیدے او عدالتاں نال رجوع کرن۔ اتوار کوں وفاقی دارالحکومت دے مخ??لف علاقیں دے دورے تے ڳالھ مہاڑ کری??دے وفاقی وزیر آکھیے وفاقی دارالحکومت اسلام آباد اچ رستے کھلیے پئن ، لوکاں دی آونڄ جاری اے ، کجھ رستے بند ہن جنہاں دی ذمہ وار پی ٹی آئی اے۔ انہاں آکھیے تحریک انصاف دے اپݨے لوک نی چاہ??دے جو انہاں دا لیڈر ٻاہر آوے ، پنجاب سودھے مخ??لف علاقیں توں اطلاعات ہن جو پی ٹی آئی دے لوک رضاکارانہ طور تے گرفتاریاں ݙی??دے پئن کیوں جو او نی چاہ??دے جو انتشار کھنڈاؤں تے اسلام آباد اچ بلاوجہ دھرنا ݙیوں۔ انہاں آکھیے کہیں کوں امن خراب کرݨ دی اجازت نہ ݙتی ویسی ، انتشار کھنڈاوݨ آلیں کوں گرفتار کیتا ویسی ، انتشار کھنڈاوݨ پی ٹی آئی دی تاریخ اے ، انھاں ہمیشہ سرکاری املاک اتے لوکاں دی جان تے مال کوں ضیان پڄائے ، 2014ءدے دھرنے اچ انہاں پی ٹی وی تے حملہ کیتا ، پارلیمنٹ دا گیٹ بھنیا ، قبراں کھٹیاں ، 9 مئی دے حملے کیتے، شہداءدی یادگاراں ڈھائیاں ، دفاعی تنصیبات کوں نشانہ بݨایا، اڄ وی ایں روش تے قائم ہن ، انھاں دی ڈیمانڈ اے اساں نال ڈیل کرو، این آر او ݙیو، ساݙے لیڈر کوں چھوڑا لیکن اے کم حکومتاں دا کائنی عدالتاں دا ہے اتھاں آپݨے کیس لڑن حکومتی اقدامات توں ملکی معیشت صحیح پاسے ٹردی پئی اے ، پالیسی ریٹ اتے مہانگ گھٹی اے ، بیلارس دے صدر پاکستان آ ??دے پئن ، اڄ بیلاروس دا کاروباری وفد پاکستان پڄدا پئے ، پی ٹی آئی کوں ملکی ترقی ہضم نی تھیندی پئی ایں ڳالھ دی بالکل اجازت کائنی جو ملک دی معیشت کوں ضیان پڄایا ونڄے ، وفاقی دارالحکومت اچ امن سانڳے نفری تعینات کیتی ڳئی اے ، قانون ہتھ اچ گھنݨ دی کہیں کوں اجازت نہ ݙتی ویسی ، تحریک انصاف ݙساوے اے کیڑھے عوامی ایشو تے ٻاہر نکلئن ؟ عطاءاللہ تارڑ آکھیے بجلی تے پہلے ہی سبسڈی ݙتی ڳئی اے ، وزیراعظم ونٹر پیکیج دا اعلان کر چکن ، ونٹر پیکیج توں بجلی دے ٻلاں اچ سردیاں اچ وی کمی تھیسی ، مہانگ گھٹ تھیندی پئی اے عوام کوں سہولتاں ݙتیاں ویندیاں پئن لیکن اے ضد تے ہن جو اساں احتجاج کرݨے انھاں دا احتجاج کیڑھی چیز دے خلاف اے امن قائم رکھݨ حکومت دی ذمہ واری اے، وزیر داخلہ امن و امان یقینی بݨاوݨ سانڳے صورتحال دا مسلسل جائزہ گھ??دے پئن ، راولپنڈی اسلام آباد اچ امن بحال رہسی ، بیلاروس دے صدر کوں خوش آمدید آکھسوں ، او پاکستان سرمایہ کاری کرݨ سانڳے آ??دے پئن انہاں دا گرمجوشی نال استقبال کریسوں ۔ پاکستان ہݨے ہی ایس سی او کانفرنس کرائی ، دوست ملک اتھاں سرمایہ کاری کری??دے پئن پی ٹی آئی ہمیشہ دوست ملکاں نال تعلقات خراب کرݨ دی کوشش کیتی تے ہݨ اسلام آباد انتشار کھنڈاوݨ آ??دے پئن اے آپݨے صوبے اچ امن کنٹرول کرن ، کرم ایجنسی دے لوکاں دا کہیں کوں کوئی خیال کائنی اتھاں اڄ وی مظاہرے تھی??دے پئن ، معیشت ترقی کریندی رہسی معیشت کوں ڈی ریل کرݨ دی کوشش کرݨ آلیں نال سختی نال نبݨیا ویسی ۔ ایں توں پہلے وفاقی وزیر اطلاعات عطاءاللہ تارڑ خود گاݙی ڈرائیو کرتے اسلام آباد دے مخ??لف علاقیں دا دورہ کیتے ۔ ایں موقع تے انھاں پولیس نینگراں تے افسراں نال ملاقات کیتی ٻالاں تے فیملیاں نال وی ملیے۔
