اسلام آباد۔9ستمبر(اے پی پی)وفاقی وزیر اطلاعات، نشریات، قومی ورثہ و ثقافت عطاءاللہ تارڑ آکھیے جو 1991ء دے پاݨی ونݙݨ دے معاہدے تے اتفاق رائے کیتے مسلم لیگ ن اہم کردار ادا کیتے، مسلم لیگ (ن) دے قائد نواز شریف دی ہمیشہ کوشش رہی اے جو مسائل معاملہ فہمی نال حل کیتے ونڄن، ارسا بارے اراکین اسمبلی دے تحفظات دور تھیوݨے چاہیدن۔ اے ڳالھ انہاں قومی اسمبلی اجلاس اچ ارسا ولوں پاݨی موڑݨ دے فیصلے بارے نکتہ اعتراض تے ولدا ݙیندے آکھی۔ وفاقی وزیر اطلاعات آکھیا جو ارسا بارے اراکین اسمبلی دے تحفظات ہی??، ارکان اسمبلی ہاریاں اتے کساناں دی آواز ایوان اچ چیندن، زراعت نال ساݙی معیشت جڑی اے، اے معاملہ کمیٹی کوں بھیڄیا ونڄے، ارسا دے ممبران اتے صوبائی نمائنداں کوں خصوصی سݙیا ونڄے تاں جو تفصیلی بریفنگ تھیوے اتے مسلے دا حل ڳولیڄے۔ ڈپٹی سپیکر غلام مصطفیٰ شاہ معاملہ قائمہ کمیٹی کوں ٻھڄویندے آکھیا جیڑھے اراکین اسمبلی اے معاملہ چا??ے انہاں کوں وی کمیٹی دا ر??ن ٻݨایا ویسی، معاملے اچ دلچسپی ڳھنݨ آلے ٻئےا ر??ان دے وی ناں ݙتے ونڄن، ارسا ممبران کوں وی سݙیا ونڄے اتے کمیٹی اچ رلایا ونڄے۔ رکن قومی اسمبلی محمد احمد چٹھہ دے توجہ ݙیوائو نوٹس تے وفاقی وزیر اطلاعات آکھیا جو ضلع وزیر آباد اچ پاسپورٹ آفس ٻݨݨا چاہیدے، ایں سانڳے ہر ممکن اقدامات کیتے ویسن۔
ارسا بارے اراکین اسمبلی دے تحفظات دور تھیوݨے چاہیدن، عطاءاللہ تارڑ
مضمون کا ماخذ : کمپیوٹر لاٹری کے نتائج
متعلقہ مضامین
