اسلام آباد ۔ 12 مارچ (اے پی پی) وزیر مملکت پارلیمانی امور علی محمد خان آکھیے جو پنجاب دے پسماندہ علاقے دی ترقی اتے انہاں کوں تکھی رفتار بنیاداں تے وڈے شہراں دی طرز تے برابر دیاں سہولتاں ڈیونڑ پی ٹی آئی حکومت دی ترجیح اے ۔نجی ٹی وی چےنل دے پروگرام اچ گال مہاڑ کریندے ہوئیں انہاں آکھیے جو پاکستان تحریک انصاف دی حکومت فلاح بہبود کیتے ایجھے اقدامات کریندی رہی اے جنہاں کوں ماضی دے دور حکومتاں اچ نظر انداز کیا گیا ہئی تے پی ٹی آئی حکومت بدعنوانی کوں منڈھوں مکاونڑ کیتے پرعزم اے ۔جنوبی پنجاب دی تشکیل نال ایں علاقے دے عوام دے پرانڑیں مسئلے حل تھی ویسن ۔انہاں مزید آکھیے جو پاکستان تحرےک انصاف دی حکومت عمران خان دی متحرک قےادت اچ نواں صوبہ بنڑاونڑ کیتے اسمبلی اچ بل پیش کرنڑ دا فیصلہ کیتے جیرھا جو ایں عزم دی تکمیل دے پاسے پہلا قدم ہوسی ۔انہاں آکھیا جو ایندی تکمیل کیتے کوئی ٹائم فریم ڈے نی سگدا کیوں جو ایں ضمن اچ قانون سازی کرنڑ اچ وقت لگسی ،تاں جو امید اے کوئی وی سیاسی جماعت نویں صوبے دے بل دی مخالفت کائناں کریسی ۔
حکومت جنوبی پنجاب کوں برابر دیاں سہولتاں ڈیونڑ دے نال اپنڑے وعدے پورے کریندی پئی اے ، وزیر مملکت پارلیمانی امور علی محمد خان
مضمون کا ماخذ : bolão dupla sena
متعلقہ مضامین
