اسلام آباد ۔ 24 مئی (اے پی پی) قومی اسمبلی اچ وفاقی وزیر انسداد منشیات علی محمد خان مہر دے انتقال تے متفقہ طور تے تعزیتی قرارداد دی منظوری ڈتی گئی ۔ جمعے کوں قومی اسمبلی اچ وزیر مملکت پارلیمانی امور علی محمد خان قرارداد پیش کیتی جیں اچ علی محمد مہر دی عوام اتے جمہوریت کیتے خدمات تے انہاں کوں خراج عقیدت پیش کیتا گے ۔ متفقہ قرارداد اچ انہاں دے انتقال تے افسوس دا اظہار کیتا گے۔قرارداد دی منظوری دے بعد پاکستان تحریک انصاف دے رکن قومی اسمبلی عامر ڈوگر آکھیا جو سردار علی محمد مہر غریب پرور ‘ شفیق اتے مہربان انسان ہن۔ او ترائے واری ایں ہاﺅس دے ممبر رہ گن۔ گھوٹکی اتے سندھ دے عوام کیتے انہاں بہوں کم کیتا۔ انہاں دی خدمات کڈاہیں نی بھلائیاں ونج سگدیاں۔ انہاں مرحوم کیتے مغفرت دی دعا کیتی۔ پیپلز پارٹی دے راجہ پرویز اشرف آکھیے جو علی محمد مہر دے انتقال تے سارے لوک ڈکھی ہن میں اپنڑی پارٹی دی طرفوں ڈکھی خاندان نال افسوس کرینداںاو منجھے ہوئے سیاستدان ہن تے پاکستان دی سیاست اچ انہاں دا ہک مقام ہئی ۔ مسلم لیگ (ن) دے خواجہ محمد آصف آکھیا جو مرحوم اتے انہاں دے بزرگاں دے نال ہک لمبے عرصے توں رفاقت رہ گئی اے ۔اے وضع دار لوک ہن۔ اپنڑی جماعت اتے قیادت دے پاسوں افسوس کرینداں ۔ عبدالاکبر چترالی آکھیا جو علی محمد مہر دے نال ایوان اچ کٹھے رہ گم اساں انہاں دی خدمات کوں خراج تحسین پیش کریندوں۔
قومی اسمبلی اچ وفاقی وزیر علی محمد خان مہر دے انتقال تے متفقہ طور تے تعزیتی قرارداد دی منظوری، انہاں دی خدمات کوں خراج عقیدت پیش کیتا گیا
مضمون کا ماخذ : números dupla sena
متعلقہ مضامین
