اسلام آباد۔20اکتوبر (اے پی پی):سینیٹ اچ قائد ایوان سینیٹر ڈاکٹر شہزاد وسیم آکھیے جو پاکستان ڈوہیں ملکاں وچال پارلیمانی تعلقات کوں ودھاونڑ چاہندے ،وزیراعظم عمران خان دا وژن پاکستانی برانڈ کوں ودھارا ڈیونڑ اے ،مینوفیکچرنگ دے شعبے اچ وسیع موقع موجود ہن۔ اے گال انہاں جاپان دے قائمقام سفیر شیندو یوسوکے نال گال مہاڑ کریندے ہوئیں آکھی اے جنہاں منگل کوں اتھاں انہاں نال ملاقات کیتی ۔ملاقات وچ ڈوپاسے تعلقات تے سانجھی دلچسپی دے امور تے گال مہاڑ کیتی گئی ۔سینیٹ اچ قائد ایوان سینیٹر ڈاکٹر شہزاد وسیم پارلیمانی سطح تے وفد دے تبادلے ودھاونڑ تے زور ڈتا ،انہاں آکھیے جو پاکستان ڈوہیں ملکاں وچال وفد دے تبادلے ودھاونڑ چاہندے ،اتے عوامی رابطے کوں مزید استحکام ڈیونڑ دی لوڑھ اے ۔
مضمون کا ماخذ : سامرائی کی خوش قسمتی۔
