لاہور۔19 جون(اے پی پی ) وزیراعلیٰ پنجاب محمد شہباز شریف بغیر پروٹوکول شیخوپورہ اچ ڈسٹرکٹ ہیڈکوارٹر ہسپتال اتے سبزی منڈی رمضان بازاردا اچانک دورہ کیتا۔وزیر اعلیٰ عام کوچ اچ سفر کریندیں ہوئیں بغیر پیشگی اطلاع اچانک ہسپتال پجیے اتے مریضاں کوں ڈتی ونجنڑ آلی سہولتاں دا جائزہ گھدا۔جڈانجو ،رمضان بازار اچ ضرورت دی شئیں دے نرخاں تے معیار دا جائزہ گھدا،مریضاں دا ہسپتال اچ دوائیں دی دستیابی اتے طبی سہولتاں تے اطمینان،صارفین دی رمضان بازار اچ انتظامات دی تعریف کیتی۔وزیر اعلیٰ ہسپتال دے مختلف وارڈز اچ گئے اتے مریضا ں دی عیادت کیتی اتے مریضاں دے لواحقین نال علاج معالجے سانگے سہولتاں بارے پچھیا۔ایں موقع تے گالھ مہاڑ کریندیں ہوئیں انہاں آکھیا جو مریضاں کوں علاج معالجے دی فراہمی یقینی بنڑاونڑ سانگے ہسپتالاں دے اچانک دورے کریندا پئیاں ۔عوام کوں ہسپتالاں اچ مفت دوائیں ڈیونڑ سانگے ہر سال ارباں روپے دے وسائل ڈتے ویندے پئن ۔انہاں آکھیا جو میڈاجیونڑ مرنڑ اعوام دے نال اے،جڈاں تئیں جان اچ جان اے عوام دی خدمت کریندا رہساں،پنجاب حکومت دے تریخی رمضا ن پیکیج دے ثمرات عام آدمی تئیں پجدے پئن۔
وزیراعلیٰ پنجاب محمد شہبازشریف دا شیخوپورہ اچ ڈسٹرکٹ ہیڈکوارٹر ہسپتال اتے سبزی منڈی رمضان بازاردا اچانک دورہ۔ڈی ایچ کیو اچ مریضاں کوں ڈتی ونجنڑ آلی سہولتاں،رمضان بازار اچ ضرورت دی شئیں دے نرخاں تے معیار دا جائزہ گھدا
مضمون کا ماخذ : پشاور لاٹری
متعلقہ مضامین
