اسلام آباد۔17نومبر(اے پی پی)وزیر خارجہ مخدوم شاہ محمود قریشی آکھیے جو جڳ اچ ودھدے عدم برداشت دے رجحانات دے برخلاف پاکستان اچ اقلیتاں دے حقوق سانڳے معاشرے اچ بھرا بھرپی ودھدی پئی اے،آئین پاکستان اچ اقلیتاں کوں برابر دے حقوق ملیے ہوئن، کرتار پور راہداری کھولݨ ہم آہنگی اتے پر امن بقائے باہمی کیتے پاکستانی عزم دا عکاس اے۔ اے ڳالھ انہاں برداشت دےعالمی ݙینھ سانڳے وزارت خارجہ اچ “اڄوکے دور اچ رواداری دی اہمیت” بارے مذاکرے نال خطاب اچ آکھی۔ انہاں آکھیے جو پاکستان ڄق اچ عدم برداشت دے رویے دے باوجود پاکستانی پارلیمنٹ اچ عیسائیاں ، ہندواں ، سکھاں اتے ٻیاں اقلیتاں دی نمائندگی عالمی سطح تے رواداری ودھاوݨ سانڳے بین المذاہب ہم آہنگی دا ثبوت ݙتے، بنیادی انسانی حقوق نہ ݙیوݨ پاروں مسلے ودھدے پین، ویلھے دے نال نال جمہوری اقدار تکڑے تھیندے پین، ایں سانڳے تحمل اتے برداشت ودھاوݨ دی لوڑھ اے، کرونا دی آفت اچ پاکستانیاں صبت، بھرا بھرپی اتے ہک ٻئے دا ہتھ ونݙا تے کامیابی نال ایندا مقابلہ کیتے جیہڑا جڳ کیتے ہک مثال اے۔
جڳ اچ ودھدے عدم برداشت دے رجحانات دے برخلاف پاکستان اچ اقلیتاں دے حقوق سانڳے معاشرے اچ بھرا بھرپی ودھدی پئی اے، وزیر خارجہ شاہ محمود قریشی دا مذاکرے اچ خطاب
مضمون کا ماخذ : کمپیوٹر لاٹری لائیو
متعلقہ مضامین
