اسلام آباد ۔ 16 مئی (اے پی پی) وزیراعظم عمران خان وزارت اطلاعات کو ںہدایت کیتی ہے جو پاکستان براڈ کاسٹنگ ایسوسی ایشن (پی بی اے) اتے آل پاکستان نیوز پیپرز سوسائٹی (اے پی این ایس) دے نمائنداں دے نال بقائے ڈیونڑ دے حوالے نال وختی مشورے کیتے ونجنڑ،اتے عید توں پہلے بقائے ڈیونڑ یقینی بناونڑ سانگے عملی اقدامات کیتے ونجنڑ ۔وزیراعظم معاون خصوصی اطلاعات تے نشریات کوںایں عمل دی خود نگرانی کرنڑ دی ہدیت کیتی ہے۔وزارت اطلاعات کوں حکومت دے اصلاحاتی پروگرام کوں میڈیا دے ذریعے اجاگر کرنڑ دی وی ہدایت کیتی گئی ہے۔ خمیس کوں وزیراعظم عمران خان پرنٹ اتے الیکٹرانک میڈیا دے بقائے ڈیونڑ توں متعلق ہک اعلی سطح دے اجلاس دی صدارت کیتی ۔ایںدوران انہاں وزارت اطلاعات کوں بقائے دے حولاے نال خصوصی ہدایت کیتی۔ اجلاس اچ معاون خصوصی اطلاعات تے نشریات ڈاکٹر فردوس عاشق اعوان، معاون خصوصی میڈیا آ فیئرز یوسف بیگ مرزا، صوبائی وزیر اطلاعات پنجاب سید صمصام بخاری ، سینٹر فیصل جاوید اتے وزیر اعظم دے سیکرٹری شرکت کیتی۔ معاون خصوصی اطلاعات تے نشریات ڈاکٹر فردوس عاشق اعوان وزیراعظم کوں میڈیا صنعت دے مسئلیاں بارے ڈسایا ۔ اجلاس اچ پاکستان براڈکاسٹنگ ایسوسی ایشن اتے آل پاکستان نیوز پیپرز سوسائٹی دئے بقائے دے معاملات تے تفصیلی گالھ مہاڑ کیتی گئی۔ وزیراعظم آکھیا جو اوہ آزادی اظہار رائے دے آئینی اتے بنیادی حق تے پورا یقین رکھیندن، آزاد اتے ذمہ دار صحافت دا فروغ جمہوریت دی مضبوطی سانگے ناگریز ہے۔ وزیرا عظم آکھیا جو میڈیا صنعت دے لوکیں دے مسئلیاں کوں چنگی طرح جانڑداں ، اتے انہاں دا حل پہلی ترجیح ہے۔عمران خان دا آکھنڑ ہا جو وزارت اطلاعات حکومت دے اصلاحاتی پروگرام کوں میڈیا دی مدد نال اجاگر کرے۔
وزیراعظم عمران خان دی پرنٹ اتے الیکٹرانک میڈیا دے بقائے ڈیونڑ توں متعلق اعلی سطح دے اجلاس دوران وزارت اطلاعات کوں ہدایت
مضمون کا ماخذ : لاٹری ٹکٹ کی قیمت
متعلقہ مضامین
